Давраи нави инкишофи конститутсионии Тоҷикистон бо марҳилаи бозсозии ҷамъияти шӯравӣ, ҷараёни тайёр кардани лоиҳаи шартномаи нави иттифоқӣ ва дар асоси он коркардабароии лоиҳаи конститутсияи нави ИҶШС рост меояд. Тақозои замон чунин буд, ки кори тайёр кардани лоиҳаи конститутсия бо ташаббуси мақомоти олии ҳизби коммунистӣ cap шуда, дар зери назорати онҳо давом мекард. Ин дафъа ташкилотчии ин кор дастгоҳи KM ҲK Тоҷикистон буд. Фақат баъди интихоби Шурои Олии Ҷумҳурии Тоҷикистон даъвати 12-ум (феврал-марти соли 1990) ин кор ба ӯҳдаи кумитаи қонунгузории Шурои Олии Тоҷикистон гузошта шуд.

Ҳайати омӯзгорону донишҷӯёни Донишгоҳи давлатии Кӯлоб ба номи Абуабдуллоҳи Рӯдакӣ дар ҳамоиши байналмилалӣ таҳти унвони «Самтҳои асосии ислоҳоти қонунгузории интихоботӣ дар Русия ва кишварҳои ИДМ» ба таври маҷозӣ иштирок намуданд. Дар доираи ҳамоиш Азизаи Нурулло, омӯзгори кафедраи ҳуқуқшиносии факултети таърих, ҳуқуқ ва муносибатҳои байналмилалии донишгоҳ, дар мавзуи «Роль органов конституционного контроля в механизме защиты избирательных прав граждан в России и странах СНГ» маърӯза пешниҳод намуда, доир ба нақши ин ниҳодҳо дар таъмини риояи ҳуқуқу озодиҳои интихоботии шаҳрвандон ва таҳкими асосҳои ҳуқуқии раванди интихобот андешаронӣ кард.

Дар Донишгоҳи давлатии Кӯлоб ба номи Абуабдуллоҳи Рӯдакӣ бо мақсади такмили маҳорати касбии омӯзгорони ҷавон, баланд бардоштани сатҳу сифати таълиму тарбия ва густариши таҷрибаи пешқадами омӯзгорӣ ба баргузории дарсҳои намунавию тарбиявӣ таваҷҷуҳи махсус зоҳир мегардад. Дар ҳамин замина, дар факултети филологияи тоҷик ва журналистикаи донишгоҳ аз ҷониби Ҳамидзода Зебунисо, ассистенти кафедраи адабиёти тоҷик, дарси тарбиявӣ бахшида ба 32-солагии қабули Конститутсияи Ҷумҳурии Тоҷикистон баргузор гардид.

4 ноябри соли 2026 дар кафедраи адабиёти хориҷӣ бо методикаи таълими забон ва адабиёти руси факултети филологияи руси Донишгоҳи давлатии Кӯлоб ба номи Абуабдуллоҳи Рӯдакӣ семинари илмӣ-методии назди кафедра бо иштироки ҳайати омӯзгорон, магистрантон ва докторантони PhD кафедра баргузор гардид. Дар семинар масъалаи «Особенности перевода повести И. Бунина «Деревня» на таджикский язык» («Хусусиятҳои тарҷумаи повести И. Бунин «Деҳа» ба забони тоҷикӣ») мавриди баррасӣ қарор гирифт.

Имрӯз дар Донишгоҳи давлатии Кӯлоб ба номи Абуабдуллоҳи Рӯдакӣ маҳфили илмии “Минбари ҳуқуқшинос”-и кафедраи ҳуқуқшиносии факултети таърих, ҳуқуқ ва муносибатҳои байналмилалӣ бо иштироки мудири кафедра, ҳайати омӯзгорон ва донишҷӯёни аъзо баргузор гардид. Маҳфилро роҳбари он Ҳамидзода Фирӯзабону ифтитоҳ намуда, доир ба нақши чунин маҳфилҳо дар баланд бардоштани маърифати ҳуқуқӣ, ташаккули ҷаҳонбинии илмӣ ва рушди қобилияти таҳқиқотии донишҷӯён ибрози назар кард.

3 ноябри соли 2026 дар Донишгоҳи давлатии Кӯлоб ба номи Абуабдуллоҳи Рӯдакӣ дар доираи татбиқи сиёсати маорифпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо мақсади тақвияти фаъолияти илмӣ-таҳқиқотӣ вохӯрии ректори донишгоҳ бо докторантони аз рӯйи ихтисос (PhD) баргузор гардид. Ҳадафи асосии вохӯрӣ таҳкими заминаҳои илмӣ-таҳқиқотӣ, ҳавасмандсозии муҳаққиқони ҷавон, баррасии раванди иҷрои корҳои илмӣ-таҳқиқотӣ ва муайян намудани мушкилоти мавҷуда дар соли таҳсили 2026-2027 буд.

Таърихи 3-юми ноябри соли 2026 дар Донишгоҳи давлатии Кӯлоб ба номи Абуабдуллоҳи Рӯдакӣ таҳти унвони “Таваҷҷуҳ ба татбиқи сиёсати давлатии ҷавонон дар донишгоҳ» ҳамоиши бошукӯҳ бо иштироки ректори донишгоҳ, доктори илмҳои педагогӣ, профессор Сафарзода Мунир Ватан ва гурӯҳи донишҷӯён, аз ҷумла донишҷӯёни ятиму нимятим ва дорои имконияти маҳдуд баргузор гардид.

Шашуми ноябри соли ҷорӣ мардуми ҷумҳурӣ 32-солагии қабули муҳимтарин ва волотарин санади ҳуқуқии кишвар Конститутсияро, ки бо мақсади бунёди давлати соҳибистиқлол, демократӣ, ҳуқуқбунёд, дунявӣ ва иҷтимоӣ қабулшуда буд, ҷашн хоҳанд гирифт. Дар давоми ин солҳо халқи Тоҷикистон ҳамчун баёнгари соҳибихтиёрӣ ва сарчашмаи ягонаи ҳокимияти давлатӣ сарнавишти худро тибқи муқаррароти ин ҳуҷҷати воқеан тақдирсоз муайян намуда, самтҳои тараққиёти ҳамаи соҳаҳои зиндагиашро мушаххас гардонид.

Меҳргон яке аз куҳантарин ва муқаддастарин ҷашнҳои бузурги мардуми тоҷик ба шумор рафта, таърихи пайдоиши он ба ҳазорсолаҳои пеш аз мелод рост меояд. Ин ҷашни бостонӣ дар баробари Наврӯз ва Сада аз ҷумлаи се ҷашни бузурги миллии тоҷикон маҳсуб ёфта, дар худ фалсафаи амиқи зиндагисозӣ, меҳру муҳаббат, адолатпарварӣ ва шукргузориро таҷассум менамояд.