Имрӯз, 24 октябри соли 2026, дар Донишгоҳи давлатии Кӯлоб ба номи Абуабдуллоҳи Рӯдакӣ машқи пагоҳирӯзии дастаҷамъӣ бо иштироки роҳбарияти донишгоҳ, омӯзгорон ва донишҷӯён баргузор гардид. Ҳадафи чорабинӣ таҳкими тарзи ҳаёти солим, баланд бардоштани фарҳанги варзишӣ, рушди қобилияти ҷисмониву маънавии ҷавонон ва ҷалби бештари онҳо ба машғулиятҳои мунтазами варзишӣ арзёбӣ гардид.

Рӯзҳои 21-23 октябри соли 2026 дар Донишгоҳи байналмилалии забонҳои хориҷии Тоҷикистон дар доираи лоиҳаи байналмилалии «Суръатбахшии омӯзиши забони англисӣ дар Осиёи Марказӣ» (AELLCA - Accelerating English Language Learning in Central Asia) бо дастгирии Шурои Бритониё ва ташкилоти NILE семинари байналмилалии «Омӯзиш оид ба барномаи таълимии тайёрии пешазхизматии омӯзгорон» (Pre-Service Teacher Training Curriculum Training - PRESETT) баргузор гардид. Дар ин семинар Донишгоҳи давлатии Кӯлоб ба номи Абуабдуллоҳи Рӯдакиро Муродзода Баҳриддин Раҳмон - номзади илмҳои филологӣ, сардори шуъбаи муносибатҳои байналмилалӣ ва Бобоев Аъзам - омӯзгори кафедраи забоншиносӣ ва типологияи муқоисавии муассиса, намояндагӣ намуданд.

23 октябри соли 2026 ҳайати кормандони Донишгоҳи давлатии Кӯлоб ба номи Абуабдуллоҳи Рӯдакӣ таҳти роҳбарии муовини ректор оид ба таълим, дотсент Абдусамадзода Эраҷ, дар семинари маҷозӣ таҳти унвони «Роҳнамоии омӯзгорони муассисаҳои таҳсилоти олӣ оид ба истифодаи самаранок ва ахлоқии зеҳни сунъӣ (AI) дар раванди таълим бо дарназардошти стандартҳои ICT-CST» иштирок намуданд. Семинари мазкур бо ташаббуси Дафтари минтақавии ЮНЕСКО дар шаҳри Алмато баргузор гардида, ба масъалаҳои мубрами рақамикунонии соҳаи маориф ва татбиқи технологияҳои муосир дар раванди таълиму тарбия бахшида шуд.

Табиат сарчашмаи зебоӣ, ҳаёт ва илҳоми инсон буда, олами набототи он дар нигоҳдории мувозинати экологӣ ва ғанӣ гардондани муҳити зист нақши муҳим мебозад. Дар байни растаниҳои гулдори табиӣ лола бо зебоӣ, гуногунрангӣ ва хусусиятҳои хоси биологии худ ҷойгоҳи махсус дорад. Ин гули зебо аз қадим таваҷҷуҳи инсонро ба худ ҷалб намуда, имрӯз низ яке аз рамзҳои зебоии баҳор ва эҳёи табиат ба ҳисоб меравад.

Дар факултети филологияи тоҷик ва журналистикаи Донишгоҳи давлатии Кӯлоб ба номи Абуабдуллоҳи Рӯдакӣ маҳфили навбатии ҷамъияти илмии донишҷӯёни факултет бо иштироки ҷонишини декан оид ба илм, инноватсия ва робитаҳои хориҷӣ, номзади илмҳои филологӣ Давлатова Фароғат, доктори илмщои педагогӣ, Ашурова Нодира, сардори маркази рушди касбият ва инноватсия Амиров Файзуллохуҷа ва дигар омӯзгорону донишҷӯён иштирок доштанд.

Дар Донишгоҳи давлатии Кӯлоб ба номи Абуабдуллоҳи Рӯдакӣ вохӯрии ректори донишгоҳ, профессор Сафарзода Мунир Ватан бо донишҷӯёни курси якум баргузор гардид. Вохӯрӣ бо баҳрамандӣ аз сиёсати ҷавонпарваронаи Пешвои муаззами миллат муҳтарам Эмомалӣ Раҳмон доир шуда, ба масъалаҳои муҳими худшиносиву худогоҳии миллӣ, баланд бардоштани сатҳи маърифату дониш, истифодаи самаранок аз имконоти мавҷудаи таълимӣ ва тарбияи насли соҳибмаърифату масъулиятшинос бахшида шуд.

Дар кафедраи таърих ва методикаи таълими таърихи факултети таърих, ҳуқуқ ва муносибатҳои байналмилалии Донишгоҳи давлатии Кӯлоб ба номи Абуабдуллоҳи Рӯдакӣ семинари илмӣ-назариявии назди кафедра бо иштироки ҳайати омӯзгорони кафедра баргузор гардид. Дар семинар ассистенти кафедра Ҳайдаров Кароматулло дар мавзуи “Амнияти иттилоотӣ дар шароити ҷаҳонишавӣ: моҳият, таҳдидҳо ва механизмҳои ҳифз” маърӯза намуд. Семинар бо мубодилаи озоди андешаҳо, баён гардидани пешниҳодҳои судманд ва баҳсу баррасиҳои созанда миёни иштирокдорон ба анҷом расид.

21 октябри соли 2026 дар Донишгоҳи давлатии Кӯлоб ба номи Абуабдуллоҳи Рӯдакӣ ҷаласаи навбатии Шурои олимон бо роҳбарии ректори донишгоҳ, доктори илмҳои педагогӣ, профессор Сафарзода Мунир Ватан баргузор гардид. Дар кори ҷаласа аъзои Шурои олимон ва масъулини сохторҳои таълимию илмии донишгоҳ иштирок намуданд.

Дар Донишгоҳи давлатии Кӯлоб ба номи Абуабдуллоҳи Рӯдакӣ маҳфилҳои гуногуни омӯзишӣ фаъолият менамоянд, ки барои баланд бардоштани донишҳои тахассусӣ ва такмили малакаҳои амалии донишҷӯён заминаи мусоид фароҳам меоранд. Бо ҳамин мақсад, санаи 21 октябри соли 2026 дар “Маркази омӯзиши ҳунарҳои мардумӣ”-и муассиса маҳфили навбатии “Чеварони гулдаст” бо иштироки директори парки технологии донишгоҳ Қурбонзода Некрӯз, роҳбари маҳфил, дотсенти кафедраи фанҳои гуманитарӣ ва методикаи таълими он Мирзоева Бунафша ва аъзоёни маҳфил баргузор гардид.