Инсон танҳо барои зинда будан ба ин ҷаҳон наомадааст, балки рисолати аслии ӯ пурмазмуну муфид сабт кардани саҳифаҳои умри хеш аст. Асоси ҳастии одамиро дар ин ҷода талош барои рӯзгори оилавӣ ва иҷтимоии созанда ва хизмати содиқона ба мардум ташкил медиҳад. Аз ин рӯ, онҳое, ки дорои чунин мақсади олианд ва ба мақоми инсони комил расидаанд, сазовори офаринанд. Маълум аст, ки фатҳи чунин қуллаи баланд бе кӯшишҳои ҳадафнок ва заҳмати пайваста имконнопазир аст. Дар ин роҳ фидокорӣ, пайваста такмил додани донишу заковат ва парвариши рӯҳу ақл талаб карда мешавад.

Имрӯз, 31 октябри соли 2026, дар саҳни Донишгоҳи давлатии Кӯлоб ба номи Абуабдуллоҳи Рӯдакӣ бо иштироки роҳбарияти донишгоҳ, омӯзгорон ва донишҷӯён машқи пагоҳирӯзии дастаҷамъӣ баргузор гардид. Чорабинии мазкур бо ҳадафи таҳкими солимии ҷисмонӣ, боло бурдани рӯҳияи созанда, тарғиби фарҳанги варзишӣ ва ташвиқи ҷавонон ба машғулиятҳои мунтазами ҷисмонӣ роҳандозӣ шуда, бори дигар собит сохт, ки варзиш на танҳо василаи солим нигоҳ доштани бадан, балки мактаби ирода, матонат, интизом ва зиндагии фаъол мебошад.

30 октябри соли 2026 бо ташаббуси кафедраҳои умумидонишгоҳии педагогика ва психологияи Донишгоҳи давлатии Кӯлоб ба номи Абуабдуллоҳи Рӯдакӣ конференсияи ҷумҳуриявии илмӣ-назариявӣ таҳти унвони «Ташаккули фарҳанги муошират дар муҳити муосири таълимӣ» баргузор гардид. Дар кори конференсия роҳбарияти донишгоҳ, олимону муҳаққиқон, меҳмонон, устодону кормандони донишгоҳ ва донишҷӯён иштирок намуданд.

30 октябри соли 2026 дар Донишгоҳи давлатии Кӯлоб ба номи Абуабдуллоҳи Рӯдакӣ ҷаласаи навбатии Шурои олимон таҳти роҳбарии ректори донишгоҳ, доктори илмҳои педагогӣ, профессор Сафарзода Мунир Ватан баргузор гардид. Дар кори ҷаласа аъзои Шурои олимон ва масъулини сохторҳои таълимию илмии донишгоҳ иштирок намуданд. Дар ҷараёни ҷаласа як қатор масъалаҳои муҳим ва афзалиятноки фаъолияти донишгоҳ, аз ҷумла вазъи ба ҷойи кор ҳозиршавии мутахассисони ҷавон, фаъолияти илмӣ-тадқиқотии кафедраҳои факултети физика, математика ва информатика, татбиқи сиёсати тарбиявӣ, ҳуҷҷатҳои озмунӣ ва дигар масъалаҳои мубрами корӣ мавриди баррасӣ ва таҳлили ҳамаҷониба қарор гирифтанд.

29 октябри соли 2026 дар кафедраи математика ва методикаи таълими он семинари илмӣ-методӣ бо иштироки аъзоёни кафедра баргузор гардид. Дар семинар ассистенти кафедра Имомов Зафар дар мавзуи «Алоқамандии гурӯҳҳои Стейн бо гурӯҳҳои абелӣ» маърӯза пешниҳод намуд. Зимни маърӯза масъалаҳои назариявии мавзуъ ва робитаи байни гурӯҳҳои Стейн ва гурӯҳҳои абелӣ мавриди баррасӣ қарор гирифтанд. Иштирокдорон доир ба ҷанбаҳои илмӣ ва методии мавзуъ мубодилаи афкор намуда, фикру мулоҳизаҳои худро баён карданд.

Бо ташаббуси факултети молиявию иқтисодии Донишгоҳи давлатии Кӯлоб ба номи Абуабдуллоҳи Рӯдакӣ конференсияи ҷамъияти илмии донишҷӯёни донишгоҳ таҳти унвони «Рушди низоми пардохтҳои ғайринақдӣ дар Ҷумҳурии Тоҷикистон» баргузор гардид. Нахуст, муовини ректор оид ба илм ва инноватсия, дотсент Камолзода Шодмон зимни сухани ифтитоҳӣ доир ба нақши таҳқиқоти илмии донишҷӯён дар омӯзиши масъалаҳои муҳими иқтисодиёти миллӣ ва зарурати рушди технологияҳои муосири молиявӣ ибрози андеша кард. Сипас, сардори Маркази рушди касбият ва инноватсия Амиров Файзуллохуҷа баромад намуда, оид ба аҳамияти рушди низоми пардохтҳои ғайринақдӣ, истифодаи воситаҳои рақамии молиявӣ ва густариши фарҳанги пардохтҳои электронӣ дар ҷомеа сухан гуфт.

29 октябри соли 2026 дар факултети филологияи руси Донишгоҳи давлатии Кӯлоб ба номи Абуабдуллоҳи Рӯдакӣ дарси намунавии номзади илмҳои филологӣ, дотсент, мудири кафедраи адабиёти хориҷӣ бо МТЗАР Ғуломова Садбарг баргузор гардид. Дарси кушод аз фанни «методикаи таълими забони русӣ» дар мавзуи «Толкование лексического значения слова как методический приём обучения русскому языку» дар гурӯҳҳои таълимии 301-302, доир шуд.

Имрӯз, 29.10.2026, дар кафедраи методикаи таълими физика ва технологияи материалҳои факултети физика, математика ва информатикаи Донишгоҳи давлатии Кӯлоб ба номи Абуабдуллоҳи Рӯдакӣ семинари илмӣ-методии кафедра бо иштироки ҳайати омӯзгорон баргузор гардид. Дар семинар муалимони калони кафедра Сафаралиев Фарҳод дар мавзуи “ Саҳми Академик Акобир Адҳамов дар рушди илми физикаи тоҷик” ва Ёқубов Алишер дар мавзуи “Меъмори асримиёнагии Осиёи Марказӣ ва Шарқ” баромади пурмуҳтаво намуданд.

Конститутсия - шиносномаи давлат, рамзи соҳибихтиёрӣ, ваҳдати миллӣ ва заминаи устувори бунёди ҷомеаи ҳуқуқбунёд мебошад. Конститутсия дар низоми ҳуқуқии ҳар як давлат мақоми махсус дошта, асосҳои сохтори давлатдорӣ, принсипҳои фаъолияти мақомоти давлатӣ, ҳуқуқу озодиҳо ва уҳдадориҳои инсон ва шаҳрвандро муайян менамояд. Он ҳамчун қонуни асосии давлат самтҳои муҳими рушди ҷомеаро муайян карда, барои таъмини адолат, волоияти қонун ва ҳифзи манфиатҳои шаҳрвандон заминаи ҳуқуқӣ фароҳам меорад.