, Ҷумъа, 29-март

ФАКУЛТЕТҲО» Молиявию иқтисодӣ



логоМАЪЛУМОТИ УМУМӢ

Факултети молиявию иқтисодии Донишгоҳи давлатии Кӯлоб ба номи Абуабдуллоҳи Рӯдакӣ бо фармоиши ректори донишгоҳ аз 06.04.2014, №57 дар заминаи собиқ факултети иқтисодии донишгоҳ таъсис дода шудааст. Факултет ҳамчун маҳзани илму дониш дар тайёр намудани кадрҳои баландихтисос вобаста ба самтҳои гуногуни иқтисоди миллӣ нақши босазо дорад.

Дар факултети молиявию иқтисодӣ дар соли таҳсили 2022-2023 – 53 нафар (кафедраи баҳисобгирии муҳосибӣ ва аудит 11 нафар, кафедраи назарияи иқтисодӣ 18 нафар, кафедраи молия ва қарз 23 нафар, 1 нафар декани факултет) омӯзгорону кормандон фаъолият менамоянд, ки 13 нафари онҳоро омӯзгорони дорои дараҷа ва унвони илмӣ ташкил медиҳад, аз ин шумора 2 нафар доктори илмҳои иқтисодӣ, профессор (ҳамкори беруна), 5 нафар номзадони илм, дотсент (ҳамкори беруна), 6 нафар номзади илмҳои иқтисодӣ, дотсент (корманди асосӣ), 15 нафар муаллими калон, 25 нафар ассистент, ки аз ин шумора 3 нафар ба ҳайси ҳамкор фаъолият доранд ва 3 нафарро кормандони техникӣ ташкил медиҳанд.

Таълим. Факултет аз рӯи се зинаи таҳсилот: бакалавриат (рӯзона, фосилавӣ), магистратура ва докторантураи PhD мутахассисони соҳаи иқтисодиро аз рӯи ихтисосҳои зерин тайёр мекунад:

  1. 1-250103 - иқтисодиёти ҷаҳонӣ (тоҷикӣ, англисӣ)
  2. 1-250111 – аудит ва ревизия
  3. 1-250104 - молия ва қарз (тоҷикӣ, рӯсӣ)
  4. 1-25010402 - кори бонкӣ
  5. 1-25010403 - андоз ва андозбандӣ
  6. 1-25010803 - баҳисобгирии бухгалтерӣ, таҳлил ва аудит дар муассисаҳои буҷетӣ ва илмӣ
  7. 6D050800 - баҳисобгирии бухгалтерӣ.

Мавриди зикр аст, ки робитаҳои ҳамкории факултет бо факултетҳои Донишгоҳи миллии Тоҷикистон, Донишгоҳи давлатии молия ва иқтисоди Тоҷикистон, Донишгоҳи давлатии тиҷорати Тоҷикистон, Донишгоҳи давлатии Бохтар ба номи Н. Хусрав, Донишгоҳи давлатии техникии Тоҷикистон ба номи М.Осимӣ ва диагр МТОК-и ҷумҳурӣ ва хориҷи кишвар дар самтҳои таълимӣ, тарбиявӣ ва илмӣ самаранок ба роҳ монда шудааст.

Факултет механизми беҳтарсозии фазои ҳамкориҳоро баҳри рушди малакаи касбии донишҷӯён бо шуъбаҳои бухгалтерии ташкилотҳо, муассисаҳои бонкӣ ва молиявии минтақавию ҷумҳуриявӣ ба роҳ мондааст.

Айни ҳол теъдоди умуми таҳсилкунандагон дар соли 2022-2023 дар факултети молиявию иқтисодӣ дар таълими рӯзона, фосилавӣ, магистратура ва докторантураи PhD ҳамагӣ 831 нафар ба таҳсил фаро гирифта шудааст, ки аз ин шумора 620 нафар ба таълими рӯзона, 205 нафар ба таҳсилоти фосилавӣ, 6 нафар ба магистратура рост меояд.

Роҳбарият. Аз оғози таъсисёбӣ (соли 1992) то ҳол омӯзгорони зерин ба ҳайси декани факултет фаъолият намудаанд:

  1. Шарипов З.С. - д.и.и., дотсент (солҳои 1992-1996);
  2. Қурбоналиев Б.Ҳ. - н.и.и., дотсент (солҳои 1996-2003);
  3. Конкова А.А. - н.и.и., дотсент (солҳои 2003-2006);
  4. Расулов Н.С. - н.и.ф-м, дотсент (солҳои 2006-2009, 2011-2013);
  5. Юнусов С.С. - н.и.п., дотсент (солҳои 2009-2010);
  6. Назаров П.С. - н.и.с., дотсент (солҳои 2010-2011);
  7. Куганов Н.К. – н.и.и, дотсент (солҳои 2013-2014, 09.2019-01.2020);
  8. Мирсаидов М.Н. – н.и.и., дотсент (солҳои 2014-2016, 2017-2018);
  9. Амиров Ф., Шафиев Б. - (соли 2016);

Айни ҳол аз моҳи ноябри соли 2018 вазифаи декании факултетро н.и.и., дотсент Каҷкулоев Абдухолиқ Фатҳулоевич ба уҳда  дорад.

Дар вазифаҳои ҷонишинони декан: Давлатов Гулаҳмад - оид ба таълими рӯзона, Сафаров Зулфиқор - оид ба таълими ғоибона ва Тешаев Мирзошариф оид ба тарбия кору фаъолият доранд.

Раиси иттифоқи касабаи омӯзгорон – Сафаров Амиралӣ, муаллими калон, Раиси Шурои занон ва духтарони факултет – Вазирзода Дилором, муаллими калон.

Дар факултет се кафедра аз рӯи 6 ихтисос фаъолият мекунанд.

КАФЕДРАИ БАҲИСОБГИРИИ МУҲОСИБӢ ВА АУДИТ

Кафедраи баҳисобгирии муҳосибӣ ва аудит соли 2022 таъсис дода шудааст. Ҳайати профессорону омӯзгорони кафедра 11 нафарро ташкил медиҳад. Вазифаи мудири кафедраро н.и.и, дотсент Куганов Неъматулло бар дӯш дорад. Кафедра аз рӯи ихтисосҳои 1-25010803 - баҳисобгирии бухгалтерӣ, таҳлил ва аудит дар муассисаҳои буҷетӣ ва илмӣ, 6D050800 - баҳисобгирии бухгалтерӣ ва 1-250111 – аудит ва ревизия мутахассисони соҳибкасб таёр мекунад.

КАФЕДРАИ НАЗАРИЯИ ИҚТИСОДӢ

Кафедраи назарияи иқтисодӣ аз соли 1992 таъсис дода шудааст. Ҳайати профессорону омӯзгорони кафедра 18 нафарро ташкил медиҳад. Вазифаи мудири кафедраро н.и.и, муаллими калон Сафаров Аъзам бар дӯш дорад. Кафедра аз рӯи ихтисосҳои 1-250103 - иқтисодиёти ҷаҳонӣ (тоҷикӣ, англисӣ) мутахассисони соҳибкасб таёр мекунад.

КАФЕДРАИ МОЛИЯ ВА ҚАРЗ

Кафедраи молия ва қарз соли 2014 дар заминаи факултети навтаъсиси молиявию иқтисодӣ таъсис ёфтааст. Ҳайати профессорону омӯзгорони кафедра 23 нафарро ташкил медиҳад. Вазифаи мудири кафедраро н.и.и., дотсент Комилов Низомиддин бар дӯш дорад. Кафедра аз рӯи ихтисосҳои 1-250104 - молия ва қарз (тоҷикӣ, рӯсӣ), 1-25010402 - кори бонкӣ ва 1-25010403 - андоз ва андозбандӣ мутахассисони соҳибкасб таёр мекунад.

Дар факултети молиявию иқтисодӣ 7 синфхона (1 толор) – и дорои тахтаҳои электронӣ ва 1 синфхонаи компютерӣ бо шабакаи ҷаҳонии интернет пайваст мавҷуд буда, барои баланд бардоштани сифати таълим ва таъмини самаранокии раванди таълиму тарбия дар факултет воситаи муҳим арзёбӣ мегарданд.


ТАЪРИХИ ФАКУЛТЕТ

Факултет бо ташаббус ва талошҳои омӯзгорони соҳибэҳтиром академик Каримов С. (собиқ ректори донишгоҳ), Шариф З.С., доктори илмҳои иқтисодӣ, профессор; Фазлиддинов С., доктори илмҳои техникӣ, профессор; номзадҳои илми иқтисодӣ Шарифов Ф.Н., Конькова А.А., Қурбоналиев Б.Қ., Ҷалилов С., Латипов М., Бобоев Ф., Салимов Ш., Бобохуҷаев С., Ғуломнабиев К., Ивазов А., ки аз соҳаҳои гуногуни хоҷагии халқ ҷалб шуда буданд, моҳи августи соли 1992 ба сифати сохтори мустақил ташкил карда шудааст.

Асоси факултетро дар соли таъсисёбияш кафедраи назарияи иктисодӣ, ки он вақт 8-нафар муаллимон дар он кор мекарданд, ташкил медод. Дар байни онҳо 4-нафар номзади илм, 2-нафар муаллимони калон ва 2-нафар ассистентон фаъолият мекарданд. Соли 1994 дар факултет дар заминаи кафедраи назарияи иқтисодӣ 2- кафедраи тахассусӣ: кафедраи баҳисобгирии бухгалтерӣ ва таҳлили фаъолияти хоҷагидорӣ (мудири кафедра дотсент Ҷураев О.) ва кафедраи банақшагирӣ ва ояндабинӣ (мудири кафедра дотсент Расулов Н.С.), ташкил гардид. Дар ин кафедраҳо дар солҳои гуногун аз 12 то 16 нафар омӯзгорон кор ва фаъолият мекарданд. Дар натиҷаи тағйироти номенклатурии тайёр намудани мутахассисон дар соли 1998 кафедраҳои факултет ба кафедраи баҳисобгирии бухгалтерӣ ва аудит (мудири кафедра дотсент Ҷураев О.) ва кафедраи идоракунӣ (мудири кафедра дотсент Расулов Н.С.) табдил дода шуд. Мавриди зикр аст, ки дар ҳамон сол дар кафедраи идоракунӣ шуъбаи географияи иқтисодӣ кушода шуд, ки мутахассисонро барои таълими фанни география дар мактабҳои миёна ба тайёр кардан оғоз намуд. Аввалин маротиба соли 2003 18-нафар донишҷӯён ин шуъбаро бо ихтисоси муаллими география хатм намуданд.


СОХТОРИ ФАКУЛТЕТ

сохтор


САДОРАТИ ФАКУЛТЕТ

Каҷкулоев  А


 ФАТҲУЛЛОЗОДА АБДУХОЛИҚ ФАТҲУЛЛО
  декан, номзади илмҳои иқтисодӣ, дотсент
  Тел: (+992 83322) 2-36-64







Давлатов Г


  ДАВЛАТОВ ГУЛАҲМАД ПИРАҲМАДОВИЧ
  ҷонишини декан оид ба таълим

 

 

 

Тешаев М

 

ТЕШАЕВ МИРЗОШАРИФ САЙҶАФАРОВИЧ
ҷонишини декан оид ба тарбия


 

 

Шарипов Н

 

  ШАРИПОВ НАЗРУЛЛО 
  танзимгар
   






ШУРОИ ОЛИМОН

ҲАЙАТИ ШУРОИ ОЛИМОНИ ФАКУЛТЕТ

Ному насаб

Вазифа

1.

Фатҳуллозода А.Ф.

н.и.и., дотсент, декани факултет, раис;

2. 

Комилов Н.

н.и.и., дотсент, мудири кафедраи молия ва қарз;

3.

Нуров Б.

ассистенти кафедраи баҳисобгирии муҳосибӣ ва аудит, котиб;

4.

Куганов Н.

н.и.и., дотсент, мудири кафедраи баҳисобгирии муҳосибӣ ва аудит, муовини раис;

5.

Сафаров А.

н.и.и., муаллими калон, мудири кафедраи назарияи иқтисодӣ;

6.

Мирсаидов М.Н.

н.и.и., дотсенти кафедраи назарияи иқтисодӣ;

7.

Иброҳимзода О.

муаллими калони кафедраи баҳисобгирии муҳосибӣ ва аудит;

8.

Сафаров А.Г.

муаллими калони кафедраи баҳисобгирии муҳосибӣ ва аудит, раиси Иттифоқи касабаи омӯзгорони факултет;

9.

Сафаров З.

муаллими калони кафедраи молия ва қарз, ҷонишини декан оид ба тарбия;

10.

Давлатов Г.

муаллими калони кафедраи баҳисобгирии муҳосибӣ ва аудит, ҷонишини декан оид ба таълим;

11.

Холматов Б.

муаллими калони кафедраи молия ва қарз;

12.

Тешаев М.

муаллими калони кафедраи молия ва қарз, ҷонишини декан оид ба таълими ғоибона;

13.

Вазирзода Д.

муаллими калони кафедраи молия ва қарз, раиси Шурои занон ва духтарони факултет;

14.

Шарипов Н.

ассистенти кафедраи молия ва қарз, танзимгари факултет;

15.

Холиқзода А.

муаллими калони кафедраи молия ва қарз.


ДАСТОВАРДҲОИ ФАКУЛТЕТ

1

Санаи 17.03.2020  ҷиҳати иштирок дар тантанаҳои ҷашни Наврӯзи байналмилалӣ, ки дар сатҳи донишгоҳ баргузор гардид ҳайати омӯзгорон ва донишҷӯёни факултети молиявию иқтисодӣ дар озмуни Намоиши ҳунарҳои мардумӣ ва оростани хони наврӯзӣ сазовори ҶОИ АВВАЛ гардида,  бо “ИФТИХОРНОМА”-и донишгоҳ сарфароз гардиданд.




2СИПОСНОМА-и донишгоҳ ба мудири кафедраи назарияи иқтисодӣ н.и.и., дотсент Куганов Н.К. барои хизматҳои бисёрсолаи бенуқсод дар соҳаи маориф ва саҳми муносиб гузоштан дар таълиму тарбияи насли ҷавон бахшида ба ҷашни Наврӯзи байналмилалӣ 17.03.2020 сарфароз гардонида шуд.





3

Санаи 26.11.2020 декани факултет н.и.и., дотсент Каҷкулоев А.Ф. барои хизматҳои бисёрсолаи бенуқсон дар соҳаи маориф, саҳми арзанда дар таълиму тарбияи насли наврас, таёр намудани кадрҳои болаёқат ва иштироки фаъолона дар ҳаёти ҷамъиятӣ бахшида ба 75-солагии таъсисёбии Донишгоҳи давлатии Кӯлоб ба номи Абӯабдуллоҳи Рӯдакӣ бо нишони «Аълочии маориф ва илми Ҷумҳурии Тоҷикистон» сарфароз гардид.




4

Санаи 26.11.2020 омӯзгори кафедраи молия ва қарз, сардори Раёсати тарбияи донишгоҳ Гулов Р. барои хизматҳои бисёрсолаи бенуқсон дар соҳаи маориф, саҳми арзанда дар таълиму тарбияи насли наврас, таёр намудани кадрҳои болаёқат ва иштироки фаъолона дар ҳаёти ҷамъиятӣ бахшида ба 75-солагии таъсисёбии Донишгоҳи давлатии Кӯлоб ба номи Абӯабдуллоҳи Рӯдакӣ бо нишони «Аълочии маориф ва илми Ҷумҳурии Тоҷикистон» сарфароз гардид.



5

Санаи 18.10.2020 дар шаҳри Кӯлоб мусобиқаи вилоятӣ оид ба шоҳмот барои дарёфти “Ҷоми Пешвои миллат” баргузор гардид, ки ассистенти кафедраи назарияи иқтисодӣ Моҳираи Ҷурахон сазовори ҶОИ ЯКУМ ва Диплом гардида ба даври ҷумҳуриявӣ роҳхат гирифт.

 



6

Санаи 26.11.2020 мудири кафедраи назарияи иқтисодӣ н.и.и., дотсент Куганов Н.К. бахшида ба 75-солагии таъсисёбии Донишгоҳи давлатии Кӯлоб ба номи Абӯабдуллоҳи Рӯдакӣ бо «ИФТИХОРНОМА»-и Вазорати маориф ва илми Ҷумҳурии Тоҷикистон сарфароз гардид.





7

МОНОГРАФИЯИ н.и.и, дотсент, мудири кафедраи молия ва қарз Комилов Н.Б. зери унвони: “Такмили механизми танзими давлатии истифодаи захираҳои заминҳои кишоварзӣ” бо қарори Шӯрои илмӣ-методии ДДК ба номи А.Рӯдакӣ аз 27.11.2020, №3-3/5 нашр шуд.

 



8

КИТОБИ  Исмоилзода Муҳаммад Мустафо - донишҷӯи курси якум, ихтисоси иқтисодиёти ҷаҳонӣ, гурӯҳи таълимии 110 зери унвони: “MOTIVATIONAL STORIES OF THE LIFE” (Қиссаҳои ҳавасмандкунонии ҳаёт) бо забони аглисӣ, зери таҳрири номзадони илмҳои филологӣ, дотсентон Холиқзода А. ва Ҷурақулов А., ва Раҷабов Ё. соли 2020 аз нашр баромад.






Суроға: ш. Кӯлоб, кӯч. С.Сафаров 16, ДДК ба номи А. Рӯдакӣ, бинои таълимии №5
Телефони корӣ: (+992 83322) 2-36-64
E-mail: moliyavi.iqtisodi@kgu.tj


Ба рӯйхат