Магистратура

ФАЪОЛИЯТИ МАГИСТРАТУРА

Зинаи магистратура дар Донишгоҳи давлатии Кӯлоб ба номи Абуабдуллоҳи Рӯдакӣ аз соли 2012 таъсис дода шудааст. Ба магистратура шахсоне, ки дипломи зинаи бакалавр ва ё мутахассис доранд, қабул карда мешаванд. Довталабон аз рӯйи тахассуси интихобнамудаашон реферат пешниҳод намуда, ба тариқи сӯҳбат аз озмун мегузаранд.

Барои шахсоне, ки дипломҳои онҳо ба равияи интихобнамудаашон мувофиқат намекунад, аз рӯйи талаботи муайяннамудаи Вазорати маориф ва илми Ҷумҳурии Тоҷикистон оид ба таҳсил дар магистратура имтиҳонҳои ҳатмӣ муқаррар карда мешавад. Агар дохилшавии довталаб ба магистратура ба вақти мактаби олиро хатм кардани ӯ рост ояд, ба сифати имтиҳони дохилшавӣ натиҷаи имтиҳони ҷамъбастии хатми муассисаи олии таълимӣ аз рӯйи ихтисос ба ҳисоб гирифта мешавад (ба шарте ки баҳои имтиҳони ҷамъбастии ихтисос аз баҳои «хуб» паст набошад). Агар дохилшавӣ ба магистратура пас аз як соли хатм сурат гирад, новобаста аз доштани дипломи аъло довталабон имтиҳон месупоранд. Мӯҳлати таҳсил дар зинаи магистратура (тибқи низоми кредитӣ) 2 сол мебошад.

Қабул ба зинаи магистратураи Донишгоҳи давлатии Кӯлоб ба номи Абуабдуллоҳи Рӯдакӣ аз рӯйи ихтисосҳои зерин роҳандозӣ шудааст:

Барои қабул ба магистратура довталабон ҳуҷҷатҳои зеринро пешниҳод менамоянд:

• аризаи шахсӣ ба номи ректор бо нишон додани равияи зинаи магистратура ва ихтисоси он;
• дипломи таҳсилоти олии касбӣ ва замимаи он;
• тавсияномаи комиссияи аттестатсионии давлатӣ барои дохилшавӣ ба зинаи магистратура;
• маълумотномаи тиббӣ (шакли 038/у);
• 6 адад расм (андозаи 3х4);
• шиноснома (нусха);
• билети ҳарбӣ ё шаҳодатномаи ҳарбии даъватшаванда;
• тавсифнома (аз донишгоҳ ё ҷои кор);