Маркази ТИК

Маркази технологияҳои иттилоотӣ ва коммуникатсионӣ (ТИК) воҳиди сохтории донишгоҳ буда, дар фаъолияти худ ба ректори донишгоҳ итоат менамояд. Роҳбарии бевоситаи марказ ба зиммаи сардори он аст, ки бо фармоиши ректори донишгоҳ ба вазифа таъйин мегардад.

Маркази ТИК соли 2010 бо номи "Маркази илмӣ – истеҳсолӣ ва инноватсионӣ" фаъолияти худро дар асоси Қонунҳои Ҷумҳурии Тоҷикистон «Дар бораи маориф», «Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ», Оинномаи муассисаи давлатии Донишгоҳи далатии Кӯлоб ба номи Абуабдуллоҳи Рӯдакӣ, амру фармонҳои ректор ба роҳ мондааст. Айни замон бо номи маркази технологияҳои иттилоотӣ ва коммуникатсионӣ (ТИК) амал мекунад. 

Вазифаҳои асосии маркази ТИК

1. Пеш бурдани сиёсати технологияи информатсионӣ;
2. Тибқи нақшаи корӣ барӯйхатгирии таҷҳизоти компютерии донишгоҳ;
3. Омода намудани синфхонаҳои компютерии факултетҳо;
4. Таъмини таҷҳизоти синфхонаҳои компютерии донишгоҳ барои пайвасти устувор ба шабакаҳои итилоотии ҷаҳонӣ;
5. Назорати мақсаднок оид ба истифодабарии компютерҳо ва шабакаҳои итилоотии ҷаҳонӣ дар синфхонаҳо ва дигар сохторҳои донишгоҳ;
6. Таъмин намудани синфхонаҳо бо барномаҳои компютерии таълимии лозима;
7. Ташхис ва таъмиру тармим намудани таҷҳизоти компютерии донишгоҳ;
8. Дар мувофиқа бо муҳосибот харидорӣ намудани таҷҳизоти компютерӣ ва қисмҳои эҳтиётӣ барои компютерҳо ва таҷҳизотҳои иттилоотӣ;
9. Насби тахтаҳои электронӣ ва назорати доимии тамоми сохторҳои донишгоҳ ҷиҳати нодуруст истифода бурдан, шикастан ва зери вирус гардидани компютерҳо;
10. Фаъолона ширкат варзидан дар ҷашну маросимҳои донишгоҳ ва омода кардани толороҳои донишгоҳ барои гузаронидани форум ва конфронсҳо.

Ҳайати кормандон

 Тиллоев Меҳрубон 
мутахассиси марказ