ФАЪОЛИЯТИ МАГИСТРАТУРА

Дар соли таҳсили 2021-2022 93 нафар магистрант аз рӯи 21 ихтисос зинаи таҳсилоти магистратураро хатм намуданд. Айни замон дар соли таҳсили 2022-2023 донишгоҳ аз рӯи 19 ихтисос 96 магистрантон дар курси 1-ум ва аз рӯи 16 ихтисос 77 магистрантон дар курси 2-юм ба таълим фаро гирифта шудаанд, ки дар маҷмуъ 173 нафарро ташкил медиҳанд. Аз шумораи 96 нафар магистрантони курси 1-ум 95 нафарашон тариқи бӯҷавӣ, 1 нафарашон тариқи шартномавӣ мебошанд.

Дар курсҳои 2-юм бошад, аз шумораи 77 нафар магитсрантон 6 нафарашон шартномавӣ ва 71 нафарашон тариқӣ бӯҷавӣ буда, ҳамчунин аз шумораи 173 нафар магитсрантони курси 1-ум ва 2-юм 117 нафарашон духтар ва 56 нафарашонро писарон ташкил медиҳад.

 ҚАБУЛ БА МАГИСТРАТУРА

Қабул ба магистратураи Донишгоҳи давлатии Кӯлоб дар шуъбаи рӯзона аз рӯи ихтисосҳои зерин роҳандозӣ шудааст:

 Рамзи ихтисос

1. 1-020501-Математика
2. 1-250104-02-Кори бонкӣ
3. 1-020402-География
4. 1-020505-Информатика
5. 1-020301-Забон ва адабиёти тоҷик
6. 1-020302-Забон ва адабиёти рус
7. 1-020306-Забони хориҷӣ (англисӣ)
8. 1-020101-Таърих
9. 1-020102-Таърих. Ҳуқуқ
10. 1-020602-Технология (аз рӯи самтҳо)
11. 1-010201-Таҳсилоти ибтидоӣ
12. 1-010202-Таҳсилоти ибтидоӣ. Ихтисоси иловагӣ
13. 1-260203-Маркетинг
14. 1-250107-Иқтисод ва идора дар корхона
15. 1-230101-Муносибатҳои байналмилалӣ
16. 1-030201-Тарбияи ҷисмонӣ
17. 1-230308-Рӯзноманигорӣ
18. 1-310201-0203-Географияи сайёҳӣ ва менеҷменти саёҳат
19. 1-310303-02-Математикаи амалӣ
20. 1-26020206-Менеҷменти иҷтимоӣ
21. 1-020501-Физика
22. 1-020406-Химия
23. 1-26020206-Биология
24. 1-25010803-Баҳисобгирии бухгалтерӣ таҳлил ва аудит дар муассисаҳои буҷетӣ ва илмӣ
25. 1-230104-Психология

Мӯҳлати таҳсил дар магистратура (тибқи низоми кредитӣ): дар шуъбаи рӯзона – 2 сол

ТАЛАБОТҲОИ ҚАБУЛ БА МАГИСТРАТУРА

1. Ба магистратура шахсоне, ки дипломи зинаи бакалавр ва ё худ мутахассис доранд, қабул карда мешаванд. Довталаб аз рӯи тахассуси интихоб намудааш кори хаттӣ (реферат) пешниҳод намуда, ба тариқи сӯҳбат аз озмун мегузарад. Барои шахсоне, ки дипломҳои онҳо ба равияи интихобнамудаашон мувофиқат намекунад, аз рӯи талаботи муайяннамудаи Вазорати маориф ва илми Ҷумҳурии Тоҷикистон оид ба таҳсил дар магистратура имтиҳонҳои ҳатмӣ аз фанҳои тахасссусӣ муқаррар карда мешавад.
2. Агар дохилшавии довталаб ба магистратура, баъд аз ҳамон соли мактаби олиро хатм кардани ӯ мувофиқ ояд, ба сифати имтиҳони дохилшавӣ натиҷаи имтиҳони ҷамъбастии хатми муассисаи олии таълимӣ аз рӯи ихтисос ба ҳисоб гирифта мешавад (ба шарте, ки баҳои имтиҳони ҷамъбастии ихтисос аз баҳои «хуб» паст набошад).
3. Агар дохилшавӣ ба магистратура пас аз як соли хатм сурат гирад, новобаста аз доштани дипломи аъло довталаб имтиҳон месупорад.
4. Аз рӯи натиҷаи сӯҳбат ва супоридани имтиҳони дохилшавӣ оиди қабул ба магистратура қарори мусбат ё манфӣ қабул карда мешавад.
5. Холи миёна аз рӯи замимаи дипломи таҳсилоти олӣ муқаррар карда мешавад.

Барои қабул ба магистратура довталабон ҳуҷҷатҳои зеринро пешниҳод менамоянд:

• аризаи шахсӣ ба номи ректор бо нишон додани равияи магистратура ва ихтисоси он;
• дипломи таҳсилоти олии касбӣ ва замимаи он;
• тавсияномаи комиссияи аттестатсионии давлатӣ барои дохилшавӣ ба магистратура;
• маълумотномаи тиббӣ (шакли 038/у);
• 6 адад расм (андозаи 3х4);
• шиноснома (нусха);
• билети ҳарбӣ ё шаҳодатномаи ҳарбии даъватшаванда;
• тавсифнома (аз донишгоҳ ё ҷои кор);