Таърих, ҳуқуқ ва муносибатҳои байналмиллалӣ

ФАКУЛТЕТҲО» Таърих, ҳуқуқ ва муносибатҳои байналмиллалӣ

МАЪЛУМОТИ УМУМӢ

Факултети таърих, ҳуқуқ ва муносибатҳои байналмилалӣ ҳамсоли донишгоҳ буда, фаъолияти худро аз соли 1945-1946 дар назди факултети Забон ва адабиёт оғоз намуда буд. Шурӯъ аз соли 2014 факултет номи таърих, ҳуқуқ ва муносибатҳои байналмилалиро гирифт.

Ҳайати устодону омӯзгорони факултет, ки иборат аз 68 нафар, аз ҷумла 2 нафар доктори илм, 9 нафар дотсент, 3 нафар номзади илм муаллими калон, 16 нафар муаллимони калон, 33 нафар ассистент ва 5 нафар коргарони техникӣ мебошад, талош бар он намуданд, ки дар иҷрои масъулияти басо муҳим-таълиму тарбияи насли ҷавон, ки ояндаи давлат ва миллат ба ҳисоб мераванд саҳми хешро гузоранд.

Айни ҳол дар факултет 36 гурӯҳи таълимӣ (27 гурӯҳ дар таълими рӯзона ва 15 гурӯҳ дар таҳсилоти фосилавӣ) таҳсил менамоянд. Дар факултет маҷлисгоҳ, 6 аудитория бо тахтаи электронӣ ва проектор муҷаҳҳаз карда шуда 1 синфхонаи лингафонӣ ва 1 синфхонаи компютерӣ бо теъдоди 30 адад компютер мавриди истифода қарор доранд.

Бояд гуфт, ки ҷараёни таълим дар шуъбаи таълими рӯзона, фосилавӣ аз рӯи низоми кредитӣ ба роҳ монда шудааст.

Дар факултети таърих, ҳуқуқ ва муносибатҳои байналмилалӣ 4 кафедра фаъолият мекунад:

Ҳуқуқ ва муносибатҳои байналмилалӣ

Кафедраи ҳуқуқ ва муносибатҳои байналмилалӣ яке аз кафедраҳои тахассусии факултет ба шумор рафта имрӯз вазифаи мудири кафедраро н.и.с дотсент Муродова Гулчеҳра ба душ дорад.

Таърих ва методикаи таълими таърих

Кафедраи таърихи умумӣ ва МТТ яке аз кафедраҳои тахассусии факултет ба шумор рафта имрӯз вазифаи мудири кафедраро н.и.т. Холмуродзода Меҳрафрӯз Бурӣ ба душ дорад.

Таърихи халқи тоҷик

Кафедраи таърихи халқи тоҷикро имрӯз вазифаи мудириашро муаллими калон Суфиев Садриддин Насриддинович ба душ дорад.

Сиёсатшиносӣ

Кафедраи сиёсатшиносиро имрӯз вазифаи мудириашро н.и.с дотсент Пирназаров Эмомназар ба душ дорад.

Дар факулта 5 маҳфил амал мекунад:

Маҳфили «Таърихшинос» аъзоёни он 23 нафар аз факултаи таърих, ҳуқуқ ва МБ.
Маҳфили «Ҳуқуқшинос» аъзоёни он 20 нафар аз факултаи таърих, ҳуқуқ ва МБ.
Маҳфили «Дипломатия» аъзоёни он 20 нафар аз факултаи таърих, ҳуқуқ ва МБ.
Маҳфили «Бостоншинос» аъзоёни он 25 нафар аз факултаи таърих, ҳуқуқ ва МБ.
Маҳфили «Дунёи сиёсат» аъзоёни он 22 нафар аз факултаи таърих, ҳуқуқ ва МБ.

Айни замон факултет дар таълими рӯзона, таҳсилоти фосилавӣ магистратура ва докторант аз рӯи ихтисос, кадрҳоро аз рӯи ихтисосҳои зерин тайёр мекунад:

Таърих: 1-02 01 01 таълими рӯзона ва фосилавӣ
Таърих. Ҳуқуқ: 1-02 01 02 таълими рӯзона ва фосилавӣ
Муносибатҳои байналмилалӣ: 1-230101 таълими рӯзона ва фосилавӣ
Таърих. Диншиносӣ 1-02 01 02 05 таълими рӯзона ва фосилавӣ
Таърих. Таърихи дин 1-02 01 02 05 таълими рӯзона ва фосилавӣ
Идораи давлат ва ҳуқуқ 1-26 01 02 таълими рӯзона ва фосилавӣ
Сиёсат ва идораи давлатӣ 1-23 01 06 01 03 таълими рӯзона ва фосилавӣ

ИХТИСОСҲО

Ихтисосҳои амалкунандаи факултети таърих, ҳуқуқ ва муносибатҳои байналмилалӣ, ихтисосҳои замонавӣ мебошад. Бояд гуфт, ки ҷараёни таълим дар таълими рӯзона ва таҳсилоти фосилавӣ аз рӯи низоми кредитӣ ба роҳ монда шудааст.

Таърих

Ихтисоси “Таърих” дар факултет дар таълими рӯзона ва таҳсилоти фосилавӣ донишҷӯён ба таълим фаро гирифта шудаанд. Хатмкунандагони ихтисоси мазкур ба ҳайси омӯзгори фанни таърих дар муассисаҳои таҳсилоти миёнаи умумӣ ва муассисаҳои таҳсилоти олӣ кору фаъолият карда метавонанд. Айни замон дар ихтисоси мазкур дар таълими рӯзона ва таҳсилоти фосилавӣ аз рӯи ҳамин ихтисос донишҷӯён таҳсил намуда истодаанд.

Таърих-ҳуқуқ

Ихтисоси “Таърих-ҳуқуқ” дар факултет дар таълими рӯзона ва таҳсилоти фосилавӣ донишҷӯён ба таълим фаро гирифта шудаанд. Хатмкунандагони ихтисоси мазкур ба ҳайси омӯзгори фанҳои таърих ва ҳуқуқ дар муассисаҳои таҳсилоти миёнаи умумӣ, муассисаҳои таҳсилоти олӣ ва мақомонҳои қудратӣ кору фаъолият карда метавонанд. Айни замон дар ихтисоси мазкур дар таълими рӯзона ва таҳсилоти фосилавӣ аз рӯи ҳамин ихтисос донишҷӯён таҳсил намуда истодаанд.

Таърих. Диншиносӣ

Ихтисоси “Таърих. Диншиносӣ” дар факултет дар таълими рӯзона донишҷӯён ба таълим фаро гирифта шудаанд. Хатмкунандагони ихтисоси мазкур ба ҳайси омӯзгори фанҳои таърих ва диншиносӣ дар муассисаҳои таҳсилоти миёнаи умумӣ, муассисаҳои таҳсилоти олӣ ва корманди мақомотҳои ҳокимияти иҷроия кору фаъолият карда метавонанд. Айни замон дар ихтисоси мазкур дар таълими рӯзона аз рӯи ҳамин ихтисос донишҷӯён таҳсил намуда истодаанд.

Таърих. Таърихи дин

Ихтисоси “Таърих. Диншиносӣ” дар факултет дар таълими рӯзона донишҷӯён ба таълим фаро гирифта шудаанд. Хатмкунандагони ихтисоси мазкур ба ҳайси омӯзгори фанҳои таърих ва диншиносӣ дар муассисаҳои таҳсилоти миёнаи умумӣ, муассисаҳои таҳсилоти олӣ ва корманди мақомонҳои ҳокимияти иҷроия кору фаъолият карда метавонанд. Айни замон дар ихтисоси мазкур дар таълими рӯзона аз рӯи ҳамин ихтисос донишҷӯён таҳсил намуда истодаанд.

Муносибатҳои байналмилалӣ

Ихтисоси “Муносибатҳои байналмилалӣ” дар факултет дар таълими рӯзона донишҷӯён ба таълим фаро гирифта шудаанд. Хатмкунандагони ихтисоси мазкур соҳаҳои рӯзмараи кишвар (Вазорати корҳои хориҷӣ, тарҷумон, мақомоти худидораи маҳалии давлатӣ) кору фаъолият карда метавонанд. Айни замон дар ихтисоси мазкур дар таълими рӯзона аз рӯи ҳамин ихтисос донишҷӯён таҳсил намуда истодаанд.

Идораи давлат ва ҳуқуқ

Ихтисоси “Идораи давлат ва ҳуқуқ” дар факултет дар таълими рӯзона донишҷӯён ба таълим фаро гирифта шудаанд. Хатмкунандагони ихтисоси мазкур соҳаҳои рӯзмараи кишвар (донишгоҳҳо, мақомотҳои қудратӣ, мақомоти худидораи маҳалии давлатӣ) кору фаъолият карда метавонанд. Айни замон дар ихтисоси мазкур дар таълими рӯзона аз рӯи ҳамин ихтисос донишҷӯён таҳсил намуда истодаанд.

Сиёсат ва идораи давлатӣ

Ихтисоси “Сиёсат ва идораи давлатӣ” дар факултет дар таълими рӯзона донишҷӯён ба таълим фаро гирифта шудаанд. Хатмкунандагони ихтисоси мазкур соҳаҳои рӯзмараи кишвар (донишгоҳҳо, мақомоти ҳокимияти иҷроия) кору фаъолият карда метавонанд. Айни замон дар ихтисоси мазкур дар таълими рӯзона аз рӯи ҳамин ихтисос донишҷӯён таҳсил намуда истодаанд.

ТАЪРИХИ ФАКУЛТЕТ

Факултети таърих, ҳуқуқ ва муносибатҳои байналмилалӣ ҳамсоли донишгоҳ буда, фаъолияти худро аз 1945-1946 дар назди факултети Забон ва адабиёт оғоз намуда буд. Дар охири соли 1947 шуъбаи таърих ба факултети таърих табдил дода шуд, ки дар се гурӯҳи таълимӣ, ду гурӯҳ бо забони тоҷикӣ ва русӣ, як гурӯҳ дар шуъбаи ғоибона донишҷӯ қабул намуданд, ки дар он нахустин омӯзгорон Бозор Шарифзода, Ҳ.Б. Багиров, Ашраф Сиддиқов дарс мегуфтанд. Соли 1947 нахустин шуда, ба 15 нафар шогирдони худ дипломи олии нопурраро дар соҳаи илми таърих ҳадя кард. Факултет бо таҳсили рӯзона ва ғоибона то моҳи ноябри соли 1953 арзи вуҷуд кард. Аз моҳи майи соли 1960 то 27-уми июли соли 1962 ДДОК ба филиали ДДО Душанбе табдил ёфт, ки шуъбаи таърих бо теъдоди 60 нафар хатм карда, фаъолияти ин шуъба қатъ гардид. Ҳангоми таъсиси давлати соҳибистиқлоли Тоҷикистон соли таҳсили 1992-1993 аз нав дар заминаи факултети таърих ва филологияи тоҷик ҳамчун шуъбаи таърих таъсис дода шуд, ки роҳбарии онро номзади илми филологӣ, дотсент Сайҷафаров Шоҳвалӣ ба уҳда дошт. Дар соли аввали таъсисёбӣ, яъне солҳои таҳсили 1992-1993 ба шуъбаи таърих 32 нафар соли 1993-1995 114 нафар донишҷӯён дохил шуданд.

Соли 1995 дар назди факултет шуъбаи ғоибона кушода шуд, ки худи ҳамон сол 28 нафар довталабон дохил гардиданд. Соли 1997 аввалин маротиба донишҷӯёни таълими рӯзонаи шуъбаи таърих, бо теъдоди 22 нафар ин ихтисосро бо муваффақият хатм намуданд.

Аз соли 1993 то соли 2000-ум дар назди факултети забон ва адабиёти тоҷик амал карда, 20 уми моҳи январи соли 2001 шуъбаи таърих аз ихтисоси филологияи тоҷик ҷудо шуд, ба факултети мустақил бо номи Таърих ва ҳуқуқ ташкил ёфт. Соли 2014 факултет номи таърих, ҳуқуқ ва муносибатҳои байналмилалиро гирифт.

Дар таҳкиму тадриси факултет устодони варзида, ки солҳо роҳбари кардаанд, дотсент Дости Шарифов, дотсент Юнусов С.С., профессор Абдуллоев М.Х., дотсент Азамов Х.С., н.и.т. Боқиев Р.У. н.и.сиёсӣ Пирназаров Э.А., муаллими калон Сафаров Х.Х., н.и.п., дотсент Лоиқов П., н.и.ф., дотсент Зулфиев Г., н.и.с., дотсент Муродова Г.

Ҳамзамон дар таълиму тарбияи насли ҷавон ва тайёр намудани мутахасисон бо роҳбарии шахси ҳалиму кордон декани факултет н.и.с., дотсент Ҳусайнзода А.Б., д.и.с., дотсент Назаров П.С., н.и.ҳ., муаллими калон Мазарифов М., саромӯзгор Сафаров Х.Х., Суфиев С., Назаров Б., Сайдалиев Р.А., Сангов А., Комилов Н. Каримзода И., Некрӯзи М., Исуфов Ш. ва дигар омӯзгорон саҳми босазои худро гузошта истодаанд.

Дар баробари корҳои таълиму тарбиявӣ ва ҷамъиятӣ дар таълиф ва эҷоди мақолаҳо ва асарҳои илмӣ-методӣ саҳми олимону омӯзгорон Абдуллоев М.Х., Юнусов С.С., Азамов Х.С., Ҳусайнзода А.Б., Муродова Г. Назарзода П.С., Муродов Т., Назаров Б.Ҳ. ва дигар омӯзгорону кормандон назарас аст.

СОХТОРИ ФАКУЛТЕТ

САДОРАТИ ФАКУЛТЕТ

ҲУСАЙНЗОДА АМИНҶОН БУРИХОН
декан
Тел: (+992 83322) 2-36-54
E-mail: tarikh.huquq@kgu.tj

НЕКРУЗИ МАҲМАДХОҶА
ҷонишини декан оид ба таълими рӯзона

КАРИМЗОДА ИСРОИЛ САФАРАЛӢ
ҷонишини декан оид ба тарбия

КОМИЛОВ НАСИМ ИБРОҲИМОВИЧ
ҷонишини декан оид ба таълими фосилавӣ

РОЗИҚОВА ЗАРАФШОН
танзимгар

ШУРОИ ОЛИМОН

ҲАЙАТИ ШУРОИ ОЛИМОНИ ФАКУЛТЕТ

№	Ному насаб	Вазифа
1.	Ҳусайнзода А.Б.	н.и.с., дотсент, декани факултет, раис;
2.	Муродова Г.	н.и.с., дотсент, мудири кафедраи ҳуқуқ ва муносибатҳои байналмилалӣ
3.	Суфиев С.	мудири кафедраи таърихи халқи тоҷик
4.	Холмуродзода М.	н.и.т. мудири кафедраи таърих ва методикаи таълими таърих
5.	Пирназаров Э.	н.и.с., дотсент, мудири кафедраи сиёсатшиносӣ
6.	Абдуллоев М.		-д.и.т. профессори кафедраи таърихи халқи тоҷик
7.	Азамов Х.		-н.и.т., дотсенти кафедраи сиёсатшиносӣ
8.	Юнусов С.		-н.и.т., дотсенти кафедраи таърих ва методикаи таълими таърих
9.	Муродов Т.		-н.и.с. дотсенти кафедраи таърих, ҳуқуқ ва муносибатҳои байналмилалӣ
10.	Назаров П.		-н.и.с. дотсенти кафедраи таърихи умуми ва МТТ
11.	Боқиев Р.		-н.и.т., дотсенти кафедраи таърихи халқи тоҷик
12.	Мазарифов М.		-н.и.ҳ., муаллими калони кафедраи ҳуқуқ ва муносибатҳои байналмилалӣ
13.	Некрӯзи М.		- муовини декан оид ба таълими рӯзона , ассистенти сиёсатшиносӣ
14.	Комилов Н.		- муовини декан оид ба таҳсилоти фосилавӣ, муаллими калони кафедраи ҳуқуқ ва муносибатҳои байналмилалӣ
15.	Каримзода И.		-муовини декан оид ба корҳои тарбиявӣ, ассистенти кафедраи таърих ва методикаи таълими таърих
16.	Носиров Х.		- муаллими калон, кафедраи таърих ва методикаи таълими таърих
17.	Сафаров Х.		-муаллими калони кафедраи таърихи халқи тоҷик
18.	Сайдалиев Р.		-муаллими калони кафедраи таърих ва методикаи таълими таърих
19.	Исуфов Ш.		-муаллими калони кафедраи таърихи халқи тоҷик
20.	Файзов Р.		-муаллими калони кафедраи сиёсатшиносӣ

ДАСТОВАРДҲОИ ФАКУЛТЕТ

Сураёи Файзимад донишҷӯи курси 3 ихтисоси таърих ва ҳуқуқ барои иштироки фаъолона дар чорабиниҳои ҷамъиятӣ, таҳсили намунавӣ, муаррифии донишгоҳ миёни муассисаҳои таҳсилоти олӣ – ишғоли ҷойи 2 дар озмуни ҷумҳуриявии «Беҳтарин донандаи Конститутсияи Ҷумҳурии Тоҷикистон», ки санаи 22.11.2022 дар Донишгоҳи давлатии молия ва иқтисоди Тоҷикистон баргузор гардида буд, сарфароз гардонида шуд.

СИПОСНОМА – ба дастаи факултети таърих, ҳуқуқ ва муносибатҳои байналмилалӣ барои ишғоли ҷойи якум дар мусобиқаи варзишии навъи «Волейбол» бахшида ба 30-солагии Иҷлосияи 16-уми Шурои олии Ҷумҳурии Тоҷикистон ва рӯзи Президенти Ҷумҳурии Тоҷикистон сарфароз гардонида шудааст.

ИФТИХОРНОМА – ба дастаи факултети таърих, ҳуқуқ ва муносибатҳои байналмилалӣ барои ишғоли ҷойи якум дар мусобиқаи варзишӣ аз рӯйи намуди «Футболи хурд» байни донишҷӯёни Донишгоҳи давлатии Кӯлоб ба номи Абуабдуллоҳи Рӯдакӣ бахшида ба ҷашни Наврӯзи байналмилалӣ ҷиҳати дарёфти «Ҷоми ректори донишгоҳ» (11 – 14 марти соли 2022) мукофотонида шудааст.

Неъматов Садриддин донишҷӯи курси 5-уми факултаи таърих, ҳуқуқ ва МБ, ихтисоси таърих, ҳуқуқ бо Дипломи дараҷаи сеюм дар олимпиадаи ҷумҳуриявӣ барои дарёфти “Ҷоми Академияи илмҳои ҶТ”(2018) сазовор гардидааст.

ИФТИХОРНОМА - ба ҳайати профессорну омӯзгорон ва донишҷӯёни факултаи таърих, ҳуқуқ ва мууносибатҳои байналмилалӣ барои иштироки фаъолона дар конференсияи илмӣ-назариявӣ бахшида ба ҷашни 20-солагии Ваҳдати миллӣ ва Соли ҷавонон сарфароз гардонида шудааст.

ИФТИХОРНОМА - ба факултаи таърих, ҳуқуқ ва муносибатҳои байналмилалӣ барои ишғоли ҷойи 2-юм дар озмуни “Мақолаи беҳтарин” ва саҳми арзанда гузоштан дар таҳияи рӯзномаи “Анвори дониш” ва нигоштани мақолаҳои беҳтарин мукофонида шудааст

СИПОСНОМА - ба дастаи “Орёно”-и факултаи таърих, ҳуқуқ ва муносибатҳои байналмилалӣ барои иштироки фаъолона дар озмуни умумидонишгоҳии “Маҳфили зарифон-2017” бахшида ба “Соли ҷавонон” сарфароз гардонида шудааст.

ИФТИХОРНОМА - ба факултаи таърих, ҳуқуқ ва муносибатҳои байналмилалӣ барои иштироки фаъолона ва ишғоли ҷойи 2-юм дар озмуни умумидонишгоҳии “Ҳунар ганҷи бебаҳо”, бахшида ба “Соли рушди сайёҳӣ ва ҳунарҳои мардумӣ” ва таҷлили ҷашни байналмилалии “Наврӯз” сарфароз гардонида шудааст.

ИФТИХОРНОМА - ба факултаи таърих, ҳуқуқ ва муносибатҳои байналмилалӣ барои иштироки фаъолона ва ишғоли ҷойи 3-юм дар озмунинамоиши ҳунарҳои мардумӣ, бахшида ба таҷлили ҷашни “Наврӯзи байналмилалӣ” ва “Соли рушди сайёҳӣ ва ҳунарҳои мардумӣ”, сарфароз гардонида шудааст.

Суроға: ш. Кӯлоб, кӯчаи 1-уми Май
Телефони корӣ: (+992 83322) 2-36-54
E-mail: tarikh.huquq@kgu.tj

Ба рӯйхат

ФАКУЛТЕТҲО» Таърих, ҳуқуқ ва муносибатҳои байналмиллалӣ

ФАКУЛТЕТҲО

Кафедраҳо