Санаи 26.04.2024 дар бо ташаббуси кафедраи ҳуқуқшиносии факултети таърих, ҳуқуқ ва муносибатҳои байналмилалии Донишгоҳи давлатии Кӯлоб ба номи Абуабдуллоҳи Рӯдакӣ конференсияи илмӣ - назариявӣ таҳти унвони «Масъалаҳои мубрами маърифати ҳуқуқӣ» (дар ҳошияи паёми Пешвои миллат) баргузор гардид. Дар кори конфронс ректори донишгоҳ, доктори илмҳои ҳуқуқшиносӣ, профессор Раҳмон Дилшод Сафарбек, муовини ректор оид ба муносибатҳои байналмилалӣ, дотсент Шарофат Худойдодова, декани факултет, дотсент Ҳусайнзода Аминҷон, мудири кафедраи ҳуқуқшиносӣ, дотсент Мазарипов Манучеҳр ва ҳайати омӯзгорон ва донишҷӯёни донишгоҳ иштирок доштанд.

Бо чунин ном 26.04.2024 дар Донишгоҳи давлатии Кӯлоб ба номи Абуабдуллоҳи Рӯдакӣ вохӯрии ректори донишгоҳ, доктори илмҳои ҳуқуқшиносӣ, профессор Раҳмон Дилшод Сафербек бо иштирокчиён ва ғолибони олимпиада ва озмунҳои донишгоҳиву ҷумҳуриявӣ баргузор гардид, ки ректори донишгоҳ иштироки муваффақона ва ғолибияти онҳоро дар олимпиадаву  озмунҳои ҷумҳуриявӣ ҷиҳати муаррифии шоистаи донишгоҳ дастоварди назаррас арзёбӣ намуда, барои фаъолияти минбаъда ба онҳо муваффақият таманно намуд. Дар вохӯрӣ доир ба масъалаҳои мубрами самти омодасозии донишҷӯён барои иштирок дар озмуну олимпиадаҳо ва бартарафсозии камбудиву норасоиҳо ҷойдошта ибрози андеша шуд. Донишҷӯён низ дар навбати худ ҷиҳати беҳтарнамоии корҳо дар ин самт таклифу пешниҳодоти худро ироа намуданд.

Аз санаи 16 то 18-уми апрели соли 2024 бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар шаҳри Душанбе мусобиқаи ҷумҳуриявӣ оид ба гуштини “Самбо” миёни ҷавонон баргузор гардид. Дар ин мусобиқа донишҷӯёни факултети тарбияи ҷисмонӣ ва омодагии дифои ҳарбии Донишгоҳи давлатии Кӯлоб ба номи Абуабдуллоҳи Рӯдакӣ иштирок намуда, сазовори ҷойҳои намоён гардиданд.

Аз санаи 17 то 21 апрели соли равон дар шаҳри Андиҷони Ҷумҳурии Узбекистон чемпионати  кушоди “ТАЭКВАНДО-WTI” баргузор гардид, ки дар мусобиқаи мазкур Дилнозаи Ҳикматулло, донишҷӯи курси 2-юми факултети тарбияи ҷисмонӣ ва омодагии дифои ҳарбии Донишгоҳи давлатии Кӯлоб ба номи Абуабдуллоҳи Рӯдакӣ иштирок намуда, дар вазни 49кг сазовари ҷойи аввал ва соҳиби медали тилло гардид.

Дар мизони андеша ва баёни чанд ҳарфи самимие доир ба мавқеъ ва гиромидошти устод, ки ин шуъларо дар умқи дилам равшан намуд, нукоти волои Пешвои муаззами миллат муҳтарам Эмомалӣ Раҳмон буд, ки мефармоянд,  “Устод, омӯзгор, муаллим, мураббӣ барои ҳар як шахс азизу муътабар аст. Агар шахс аз муаллими худ сабақ нагирад, чизе наомӯзад, ӯ ҳеҷ гоҳ дар зиндагӣ қудрати донистану фаҳмишро надорад”. Мехоҳам зери ин сатрҳои тиллоии Пешвои муаззами миллат аз рӯзгор, осор ва фаъолияти яке аз олимони асил, муаллим, омӯзгоре, ки ҳаёти хешро баҳри таълиму тарбияи насли наврас сарф кардааст, профессор Икромов Искандар қисса карда бошем.

24.04.2024 дар Донишгоҳи давлатии Кӯлоб ба номи Абуабдуллоҳи Рӯдакӣ аз ҷониби шуъбаи муносибатҳои байналмилалӣ конференсияи ҷамъбастии лоиҳаи ТРИГГЕР “Ҷалби равандҳои инноватсионӣ ва малакаҳои соҳибкорӣ барои донишҷӯён тавассути фароҳам овардани шароити мусоид ҷиҳати бо кор таъминкунии хатмкардагони донишгоҳҳои Осиёи Марказӣ” (617309-EPP-1-2020-1-SK-EPPKA2-CBHE-JP TRIGGER) бо иштироки омӯзгорону донишҷӯёни донишгоҳ баргузор гардид.

Имрӯз (24.04.2024) дар толори фарҳангии Донишгоҳи давлатии Кӯлоб ба номи Абуабдуллоҳи Рӯдакӣ ҷаласаи Шурои ҳамоҳангсозии мақомоти ҳифзи ҳуқуқи шаҳри Кӯлоб баргузор гардид, ки дар он раиси Шурои ҳамоҳангсозии фаъолияти мақомоти ҳифзи ҳуқуқи шаҳр, прокурори шаҳри  Кӯлоб- Ғанизода Мансур Қадаммурод,  Раиси Кумитаи Маҷлиси миллии Маҷлиси Олии Ҷумҳурии Тоҷикистон оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният, ҳамзамон ректори Донишгоҳ доктори илмҳои ҳуқуқшиносӣ, профессор-Раҳмон Дилшод Сафарбек, роҳбарону намояндагони сохторҳои марбута ва фаъолону ходимони дин иштирок намуданд.