, Якшанбе, 22-ноябр

КОНФРОНС: ИТТИЛООТКУНОНИИ ҶОМЕА ВА РУШДИ ТАҲСИЛОТИ МУТТАСИЛ


КОНФРОНС: ИТТИЛООТКУНОНИИ ҶОМЕА ВА РУШДИ ТАҲСИЛОТИ МУТТАСИЛ

Дар Донишгоҳи давлатии Кӯлоб ба номи Абуабдуллоҳи Рӯдакӣ бо ташаббуси кафедраи умумидонишгоҳии информатика ва технологияҳои иттилоотӣ конференсияи илмӣ-назариявӣ дар мавзуи «Иттилооткунонии ҷомеа ва рушди таҳсилоти муттасил» баргузор гардид. Дар кори конференсия роҳбарияти донишгоҳ, ҳайати профессорону омӯзгорон ва донишҷӯён иштирок намуданд.

Конференсияро муовини ректор оид ба муносибатҳои байналмилалӣ, дотсент Аюбзода Сафар бо сухани ифтитоҳӣ оғоз намуда, зимни суханронӣ оид ба аҳаммияти рақамикунонии соҳаи маориф, татбиқи технологияҳои муосири иттилоотӣ дар раванди таълим ва нақши онҳо дар рушди таҳсилоти муттасил ибрози назар кард.

Сипас, тибқи барномаи конференсия, маърӯзаҳои илмии иштирокдорон шунида шуданд. Аз ҷумла:

  • «Дигаргунсозии таҳсилоти муттасил дар шароити иттилооткунонии ҷомеа» - Сафаров Сайтоҷиддин, номзади илмҳои педагогӣ, дотсенти кафедраи умумидонишгоҳии информатика ва технологияҳои иттилоотӣ;
  • «Нақши технологияҳои сайёр дар рушди таҳсилоти муттасил» - Зоиров Абдулманон, муаллими калони кафедраи умумидонишгоҳии информатика ва технологияҳои иттилоотӣ;
  • «Ташаккули фаъолияти таълимии донишҷӯён тавассути технологияҳои иттилоотию коммуникатсионӣ» - Сулаймонзода Убайдулло, муаллими калони кафедраи методикаи таълими информатика.

Пас аз шунидани маърӯзаҳо бахши музокирот баргузор гардид. Иштирокдорон атрофи паҳлуҳои гуногуни татбиқи технологияҳои рақамӣ дар низоми таҳсилот, роҳҳои баланд бардоштани сатҳу сифати таълим ва рушди малакаҳои касбии донишҷӯён табодули афкор намуда, ба саволҳои пешниҳодшуда посухҳои мушаххас гирифтанд.




Ба рӯйхат