, Шанбе, 22-июн

ҲАВАСМАНДГАРДОНИИ ҒОЛИБОНИ ДАВРИ НИҲОИИ ОЛИМПИАДАИ ДОНИШҶӮЁНИ МТОК

 31.05.2024 127

ҲАВАСМАНДГАРДОНИИ ҒОЛИБОНИ ДАВРИ НИҲОИИ ОЛИМПИАДАИ ДОНИШҶӮЁНИ МТОК

Санаи 31.05.2024 дар Донишгоҳи давлатии Кӯлоб ба номи Абуабдуллоҳи Рӯдакӣ дар ҳошияи баргузории ҷаласаи Шурои олимон бо ибтикор ва дастгирии раёсати Донишгоҳ донишҷӯёни ғолибони даври ниҳоии олимпиадаи донишҷӯёни муассисаҳои таҳсилоти олии касбии Ҷумҳурии Тоҷикистон ҳавасманд гардонида шуданд.

Дар ин робита фармоиши ректори донишгоҳ ҷиҳати ҳавасмандгардонӣ ба тасвиб расида, роҳбарони илмии донишҷӯёне, ки дар даври ниҳоии Олимпиадаи донишҷӯёни муассисаҳои таҳсилоти олии касбии Ҷумҳурии Тоҷикистон иштирок намуда, сазовори ҷойҳои намоён ва ифтихорӣ гардиданд, дар шакли зерин: 1 нафар ҷиҳати ишғоли ҷойи 1-ум дар ҳаҷми 2 маоши вазифавӣ; 2 нафар  ҷиҳати ишғоли ҷойи 2-юм дар ҳаҷмӣ 1 маоши вазифавӣ, 3 нафар ҷиҳати ишғоли ҷойи 3-юм дар ҳаҷмӣ 0,75 маоши вазифавӣ ва 2 нафар барои иштироки фаъолонаи шогирдон дар ҳаҷмӣ 0,5 маоши вазифавӣ ҳавасманд карда шуданд.

Инчунин донишҷӯёне, ки  дар даври ниҳоии Олимпиадаи донишҷӯёни муассисаҳои таҳсилоти олии касбии Ҷумҳурии Тоҷикистон иштирок намуда, ғолиб дониста шудаанд, дар шакли зерин: 1 нафар барои ишғоли ҷойи аввал  дар ҳаҷми 10 стипендияи муқаррарӣ, 2 нафар барои ишғоли ҷойи дуюм дар ҳаҷми 7 стипендияи муқаррарӣ, 3 нафар барои ишғоли ҷойи сеюм дар ҳаҷми 5 стипендияи муқаррарӣ ва 2 нафар барои сазовор шудан ба Ифтихорномаи Вазорати маориф ва илм дар ҳаҷми 3 стипендияи муқаррарӣ ҳавасманд карда шуданд.

Ёдовар мешавем, ки дастаи олимпии Донишгоҳи давлатии Кӯлоб ба номи Абуабдуллоҳи Рӯдакӣ бо гирифтани 6 ҷойи ифтихорӣ (1 ҷойи аввал, 2 ҷойи дуюм ва 3 ҷойи сеюм) ва 2 “Ифтихорнома”-и Вазорати маориф ва илм барои иштироки фаъолона миёни дастаҳои олимпии муассисаҳои таҳсилоти олии касбии кишвар, дар бахши фанҳои гуманитарӣ, иқтисодию иҷтимоӣ ҷойи дуюмро касб намуд. (https://www.facebook.com/share/p/6U1oPHPMTX6aU7oj/)

#ҶОЙИ_АВВАЛ

  1. Исоева Дилдода Толибҷоновна - донишҷӯи курси 3-юми факултети филологияи хориҷӣ, ихтисоси забони англисӣ- хитоӣ, аз фанни забони англисӣ, зери роҳбарии Яқубов Довуд – ассистенти кафедраи забонҳои хориҷӣ ва методикаи таълими он;

#ҶОЙИ_ДУЮМ

  1. Муродов Муҳаммадҷон Музаффарович - донишҷӯи курси 4-юми факултети таърих ва ҳуқуқ ва муносибатҳои байналмилалӣ, ихтисоси сиёсат ва идораи давлатӣ, аз фанни сиёсатшиносӣ, зери роҳбарии Муродова Гулчеҳра – номзади илмҳои сиёсӣ, дотсент;
  2. Раҳимов Насим Абдуғаффорович - донишҷӯи курси 2-юми факултети таърих, ҳуқуқ ва муносибатҳои байналмилалӣ, ихтисоси идораи давлат ва ҳуқуқ, аз фанни ҳуқуқшиносӣ, зери роҳбарии Мазарипов Манучеҳр – номзади илмҳои ҳуқуқшиносӣ, дотсент;

#ҶОЙИ_СЕЮМ

  1. Саймуртазои Комил - донишҷӯи курси 4-уми факултети химия ва биология, ихтисоси биология-экология, аз фанни биология-экология, зери роҳбарии Исупов Дилшод – номзади илмҳои кишоварзӣ, дотсент;
  2. Мирзозода Насибаи Музаффар-донишҷӯи курси 3-юми факултети иқтисод ва идора, ихтисоси география, аз фанни география, зери роҳбарии Гадоев Шералӣ – номзади илмҳои география, дотсент;
  3. Ярбеков Самандар Нуралиевич - донишҷӯи курси 4-уми факултети филологияи рус, ихтисоси забон ва адабиёти рус. Забон ва адабиёти тоҷик, аз фанни забони русӣ, зери роҳбарии Нурматова Зарина – номзади илмҳои филологӣ, дотсент.

#ИФТИХОРНОМА

  1. Талбов Абубакр - донишҷӯи курси 2-юми факултети филологияи хориҷӣ, ихтисоси забони англисӣ, аз фанни фалсафа, зери роҳбарии Ғаюров Лоиқ – доктор PhD аз рӯи ихтисоси фалсафа;
  2. Мирзозода Шаҳноза Рустамшо - донишҷӯи курси 1-уми факултети омӯзгорӣ ва фарҳанг, ихтисоси таҳсилоти ибтидоӣ бо иловаи забони русӣ, аз фанни педагогикаи умумӣ, зери роҳбарии Ёрматов Алишер – муаллими калони кафедраи фанҳои гуманитарӣ ва методикаи таълими он.

Тошматов Умар, Маркази матбуоти донишгоҳ




Ба рӯйхат