, Шанбе, 22-июн

ОҒОЗИ МУСОБИҚАИ ФУТБОЛИ  ХУРД МИЁНИ ДОНИШҶӮЁН

 21.05.2024 112

ОҒОЗИ МУСОБИҚАИ ФУТБОЛИ  ХУРД МИЁНИ ДОНИШҶӮЁН

Санаи 21майи соли 2024 дар Донишгоҳи давлатии Кӯлоб ба номи Абуабдуллоҳи Рӯдакӣ  бо ташаббуси факултети тарбияи ҷисмонӣ ва шуъбаи кор бо ҷавонон дар доираи чорабиниҳо бахшида ба Рӯзи ҷавонони Тоҷикистон ва Рӯзи ҷаҳонии футбол миёни донишҷӯёни донишгоҳ мусобиқаи варзишӣ оид ба футболи хурд барои дарёфти «Ҷоми ректори Донишгоҳи давлатии Кӯлоб ба номи Абуабдуллоҳи Рӯдакӣ» дар соли 2024 оғоз ёфт.

Ҳадаф аз баргузории мусобиқаи мазкур ин, пеш аз ҳама, тарғибу ташвиқи сиёсати Ҳукумати Ҷумҳурии Тоҷикистон, ба вижа Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти рушди соҳаи варзиш ва ҷонибдорӣ аз иқдоми байналмилалии Президенти Федератсияи футболи Тоҷикистон муҳтарам Рустам Эмомалӣ дар робита ба эълон гардидани 25 май ҳамчун Рӯзи ҷаҳонии футбол ва таҷлил аз Рӯзи ҷавонони тоҷикистон, ки ҳамасола 23-май дар ҷумҳурӣ ҷашн гирифта мешавад, ба ҳисоб меравад.

Ёдрас мешавем, ки дар мусобиқа 10-даста аз ҳисоби донишҷӯёни факултетҳои донишгоҳ ташкил шуда, байни ҳам сабқат менамоянд. Ғолибони даври ниҳоии мусобиқа дар арафаи таҷлил аз Рӯзи ҷавонон аз ҷониби Раёсати донишгоҳ қадрдонӣ карда мешаванд.




Ба рӯйхат