БАРГУЗОРИИ МУСОБИҚАИ ГӮШТИНИ МИЛЛӢ БАХШИДА БА РӮЗИ ҶАВОНОНИ ТОҶИКИСТОН ДАР ДОНИШГОҲ

18 май дар Донишгоҳи давлатии Кӯлоб ба номи Абуабдуллоҳи Рӯдакӣ бо ташаббуси факултети тарбияи ҷисмонӣ ва шуъбаи кор бо ҷавонони донишгоҳ бахшида ба Рӯзи ҷавонони Тоҷикистон мусобиқаи гӯштини миллӣ (гӯштингирӣ) баргузор гардид.

Дар мусобиқа паҳлавонон- донишҷӯёни факултетҳои донишгоҳ иштирок намуда, байни ҳам рақобат намуданд. Фазои мусоиди тороли варзишӣ ва ташрифи зиёди донишҷӯён- мухлисони ин навъи фарҳанги миллӣ раванди мусобиқаро боз ҳам зебову диданӣ намуданд.

Бояд гуфт, ки аз ҷониби раёсати донишгоҳ ба ғолибон дар вазъияти тантанавӣ туҳфаҳои арзишманд тақдим карда мешавад.