, Душанбе, 27-май

БАРГУЗОРИИ СОАТИ ТАРБИЯВӢ

 07.03.2024 41

БАРГУЗОРИИ СОАТИ ТАРБИЯВӢ

Санаи 7 март дар факултети химия ва биологияи Донишгоҳи давлатии Кӯлоб ба номи Абуабдуллоҳи Рӯдакӣ бахшида ба Рӯзи Модар соати тарбиявии Саидова Малика – муаллими калони кафедраи химия ва методикаи таълими он дар гурӯҳи 503-и ихтисоси химия-экология, ки ҳамзамон куратории гурӯҳии мазкурро ба уҳда дорад баргузор гардид.

Дар дарс Исуфов Дилшод-номзади илмҳои кишоварзӣ, дотсент, декани факултет, Холов Сино - ҷонишини декан оид ба таълим, Ташрифи Шариф - ҷонишини декан оид ба тарбия, Бобоев Бахтиёр - номзади илмҳои педагогӣ, мудири кафедраи биология ва методикаи таълими он ва дигар омӯзгорону донишҷӯён иштирок намуданд.

Муаллим зимни суханронии хеш аз бузургии Зан-Модар сухан ронда, қайд намуданд, ки “Модар қиматтарин неъмати рӯи дунё, сарчашмаи муҳаббати беканор, чашмаи мусаффо ва махзани ганҷи фарзанд, ҳимматбаландтарин шахси башарият аст. Маҳз меҳри бепоён ва навозиши гарми модар моро ба оламу одам ошно сохтааст. Заҳмати шабонарӯзӣ, бедорхобӣ пурбардории ӯ танҳо ба худаш хос буда, касро ба ҳайрат меорад”.

Сипас, донишҷӯён барномаи омоданамудаи хешро ки “Ҳаёт аз номи модар гирад оғоз” унвон гирифта буд, пешкаши ҳозирин намуданд.




Ба рӯйхат