Бо мақсади оммавигардонии варзиш ва ташаккули тарзи ҳаёти солим субҳи 17-уми феврали соли 2024 дар саҳни Донишгоҳи давлатии Кӯлоб ба номи Абуабдуллоҳи Рӯдакӣ таҳти унвони мазкур машқи пагоҳирӯзӣ бо иштироки ҳайати васеи омӯзгорон, кормандон ва донишҷӯёни донишгоҳ баргузор гардид.

Дар ҳақиқат тарбияи ҷисмонӣ ва варзиш дар баробари ташвиқу тарғиби тарзи ҳаёти солим, омили муҳим ва муассиртарин шева барои таҳкими дӯстӣ ва ҳамкориҳо миёни на танҳо варзишгарон, балки мамолики ҷаҳон аст. Дар ин баробар варзиш омили муҳим ва воситаи ҷаҳонбинии инсон, ба ҳамдигар муаррифӣ кардан ва наздик гардидани халқу миллатҳо ва ҳамкориҳои мутақобилан судманди кишварҳои мухталифи ҷаҳон мегардад.