, Панҷшанбе, 30-май

СӮҲБАТ ДАР МАВЗУИ «МУҚОВИМАТ БО ЭКСТРЕМИЗМ ВА ТЕРРОРИЗМ ВА ПЕШГИРИИ ШОМИЛШАВИИ ҶАВОНОН БА ГУРӮҲҲОИ ЭКСТРЕМИСТӢ ТЕРРОРИСТӢ»

 09.11.2023 52

СӮҲБАТ ДАР МАВЗУИ «МУҚОВИМАТ БО ЭКСТРЕМИЗМ ВА ТЕРРОРИЗМ ВА ПЕШГИРИИ ШОМИЛШАВИИ ҶАВОНОН БА ГУРӮҲҲОИ ЭКСТРЕМИСТӢ ТЕРРОРИСТӢ»

Санаи 09.11.2023 дар факултети филологияи руси Донишгоҳи давлатии Кӯлоб ба номи Абуабдуллоҳӣ Рӯдакӣ вохӯрӣ бо донишҷӯёну омӯзгорони факултет дар мавзуи «Муқовимат бо экстремизм ва терроризм ва пешгирии шомилшавии ҷавонон ба гурӯҳҳои экстремистӣ террористӣ» баргузор гардид.

Дар вохӯрӣ сардори раёсати тарбия Холматов Баҳром, декани факултет, номзади илмҳои филологӣ, дотсент Шарипов Одинамо, ҷонишини декан оид ба таълим Нурматов Ёқуб, ҷонишини декан оид ба тарбияи Иброҳими Аҳмадхон ва омӯзгорону донишҷӯёни факултет иштирок доштанд.

Сухани ифтитоҳиро декани факултет Шарипова Одинамо оғоз намуда, оид ба пешгирӣ ва шомилшавӣ ҷавонон ба гурӯҳҳои террористию экстремистӣ ва роҳҳои пешгирӣ аз он суханронӣ намуд. Сипас, сардори раёсати тарбия Холматов Баҳром баромад намуда, қайд карданд: “Экстремизм ва терроризм аз мафҳумҳоест, ки дар дунёи имрӯза вирди забони ҳама шудааст ва ин ду мафҳум ба ҳам пайваст мебошад. Дар раванди бадалшавии идеологияҳо таҳдидҳои муосире пешорӯи инсоният қарор гирифтааст, ки мубориза бо он аз ҷомеа дастҷамъӣ, мутаҳиддӣ ва иттиҳодро тақозо мекунад. Терроризм ва экстремизм бошад,  ҳамчун зуҳуроти номатлуб ба амнияти сокинони ҷомеаи ҷаҳон хатари ҷиддӣ оварда, ҷиҳати пешгирӣ аз шомилшавии ҷавонон ба ин гурӯҳҳо зиракии баланди сиёсӣ зарур аст”.

Ҳамзамон ба аҳли нишаст рӯйхати сомона ва саҳифаҳои иҷтимоие, ки бо ҳалномаи Суди Олии Ҷумҳурии Тоҷикистон ҳамчун таблиғгари ғояҳои экстремистӣ-террористӣ фаъолияташон манъ карда шудааст нишон дода шуд.

Қобили зикр аст, ки гузаронидани чунин чорабиниҳо бо иштироки васеъи ҷавонон дар самти пешгирии ҷавонон аз омилҳои номатлуб, даст назадани онҳо ба ҷинояту ҷинояткорӣ, худдорӣ намудан аз истифода бурдани шабакаҳои иртиҷоии хусусияти ифротӣ ва терористию экстремистидошта, ҳифз кардани Ваҳдати миллӣ ва сулҳу осоиштагӣ саҳми калон хоҳад гузошт.




Ба рӯйхат