, Панҷшанбе, 30-май

БАРГУЗОРИИ МИЗИ МУДАВВАР БАХШИДА РӮЗИ ЗАБОНИ ДАВЛАТӢ ВА РӮЗИ ОМӮЗГОР

 04.10.2023 38

БАРГУЗОРИИ МИЗИ МУДАВВАР БАХШИДА РӮЗИ ЗАБОНИ ДАВЛАТӢ ВА РӮЗИ ОМӮЗГОР

Санаи 04.10.2023 дар факултети тарбияи ҷисмонӣ ва омодагии дифои ҳарбии Донишгоҳи давлатии Кӯлоб ба номи Абуабдуллоҳи Рӯдакӣ мизи мудаввар дар мавзуи «Забони миллат -  ҳастии миллат» бахшида Рӯзи забони давлатӣ ва Рӯзи омӯзгор баргузор гардид.

Дар мизи мудаввар декани факултет, номзади илмҳои иқтисодӣ, дотсент Наврӯз Носири, номзади илмҳои филологӣ, дотсенти кафедраи умумидонишгоҳии забони тоҷикӣ Мирзораҳматова Гулнора, муовини декан оид ба тарбия Қурбонзода Некрӯз,  муаллими калони кафедраи тарбияи ҷисмонӣ ва методикаи таълими он Саидов Парвин ва дигар омӯзгорону донишҷӯёни факултет иштирок доштанд.

Нахуст декани факултет, дотсент Наврӯз Носири тамоми омӯзгоронро бо иди касббиашон шодбош намуда, зикр дошт, боиси ифтихор ва сарбаландист, ки имрӯз ҷомеаи кишвар зери таассуроти наҷиб аз таҷлили бошукӯҳи 35-умин солгарди Истиқлолияти давлатии Ҷумҳурии Тоҷикистон, ки дар сатҳи ҷаҳонӣ ботантана таҷлил мегардад, Рӯзи омӯзгорон ва Рӯзи забони давлатиро ҷашн мегиранд. Бо шарофати Истиқлолияти давлатии Ҷумҳурии Тоҷикистон таҳти сиёсати ояндасози Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба гиромидошти шахсиятҳои сарнавиштсози миллат таваҷҷӯҳи махсус зоҳир мегардад ва арзишҳои моддию маънавии давлатдориамон рушду такомул меёбад. Ҳамасола, дар сатҳи шоиста истиқболи Рӯзи омӯзгорон ва Рӯзи забони давлатӣ ифодагари чунин сиёсат буда, нишони садоқату арҷгузорӣ ба заҳмати созандагони зиндагии пурсаодат – омӯзгорон ва рукни муҳими давлатдорӣ – забони давлатӣ маҳсуб меёбад.

Сипас Мирзораҳматова Гулнора, номзади илмҳои филологӣ, дотсенти кафедраи умумидонишгоҳии забони тоҷикӣ дар мавзуи “Забони миллат -  ҳастии миллат”, Саидов Парвин, муаллими калони кафедраи тарбияи ҷисмонӣ ва методикаи таълими он дар мавзуи “Таърихи забон” ва Қурбонзода Кароматулло, ассистенти кафедраи тарбияи ҷисмонӣ ва методикаи таълими он дар мавзуи “Ба қадри устод мебояд расид” баромад намуданд, зимни баромад қайд карда шуд, ки дар воқеъ саҳми устод-омӯзгор дар тарбияи насли наврас, тайёр намудани мутахассисони соҳаҳои мухталиф ва бо роҳи рост ҳидоят намудану омӯзонидани дарси зиндагӣ назаррас мебошад.

Дар охир донишҷӯён порчаҳои назмиву насрӣ қироат намуданд, ки тараннумгари хизматҳои шоён ва заҳмату меҳнати назарраси омӯзгорон буд.




Ба рӯйхат