МУҲОКИМАИ РИСОЛАИ ИЛМӢ ДАР ДОНИШГОҲИ ДАВЛАТИИ КӮЛОБ

Санаи 24 сентябри соли 2026 Донишгоҳи давлатии Кӯлоб ба номи Абуабдуллоҳи Рӯдакӣ ҳамчун муассисаи пешбар муҳокимаи кори илмии унвонҷӯи кафедраи методики таълими таърих ва ҳуқуқи Донишгоҳи давлатии Бохтар ба номи Носири Хусрав – Аҳмадзода Салоҳиддин Аҳмад дар мавзуи “Ташккули ҳофизаи таърихии хонандагон тавассути технологияи рушди тафаккури таҳлилӣ”, таҳти роҳбарии номзади илмҳои педагогӣ, дотсент Қурбонзода Файзалӣ дар ҷаласаи кафедраи умумидонишгоҳии педагогикаи муассиса мавриди муҳокима қарор дод.

Дар муҳокимаи рисола ҳайати устодону омӯзгорони кафедраи педагогика ширкат варзида, доир ба мазмун ва муҳтавои корҳои илмӣ фикру мулоҳизаҳои худро баён намуданд.

Зимнан Назаров Ҳотам - номзади илмҳои педагогӣ, дотсент, мудири кафедраи педагогика, Лоиқов Парвиз, Абдуллоҷони Ҳамрохон - дотсентони кафедраи мазкур баромад намуда, паҳлуҳои назариявӣ ва амалии рисолаҳоро таҳлил ва баҳогузорӣ карданд.