МЕДАЛИ БИРИНҶИИ ДОНИШҶӮ АЗ ЧЕМПИОНАТИ ҶУМҲУРИЯВИИ ҶУДО

Назриев Ҳасан-донишҷӯи курси 1-уми факултети тарбияи ҷисмонӣ ва омодагии дифои ҳарбии Донишгоҳи давлатии Кӯлоб ба номи Абуабдуллоҳи Рӯдакӣ дар Чемпионати Ҷумҳурии Тоҷикистон оид ба ҷудо байни ҷавонон, ки бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон баргузор гардид, муваффақона иштирок намуд. Ӯ дар вазни 100 кг маҳорату ҷасорати баланд нишон дода, сазовори ҷойи III ва медали биринҷӣ гардид.

Раёсати донишгоҳ Назриев Ҳасанро бо ин дастоварди назаррас самимона табрику таҳният гуфта, ба ӯ дар ҷодаи таҳсил, фаъолияти варзишӣ ва расидани ба қуллаҳои баланд комёбиҳои нав ба нав таманно менамояд!