БАРГУЗОРИИ СЕМИНАРИ ИЛМӢ-НАЗАРИЯВӢ

Дар кафедраи иқтисодиёти корхонаҳо ва соҳибкории факултети география ва иқтисодиёти рақамии Донишгоҳи давлатии Кӯлоб ба номи Абуабдуллоҳи Рӯдакӣ семинари навбатии илмӣ-назариявии назди кафедра бо иштироки ҳайати омӯзгорон баргузор гардид.

Дар ҷараёни семинар номзади илмҳои иқтисодӣ, дотсент Расулзода Лутфия дар мавзуи “Рушди инноватсионии саноат дар шароити ташаккулёбии иқтисодиёти рақамӣ” ва муаллими калони кафедра Шаҳнозаи Содиқ дар мавзуи “Хусусиятҳои асосии фаъолгардонии истеҳсолоти хӯроквории ба содиротнигаронидашуда” маърӯзаҳои хешро ироа намуданд.

Мавзуъҳои пешниҳодшуда дорои муҳтавои илмӣ ва аҳамияти амалӣ буда, миёни иштирокчиён мубоҳисаву мулоҳизаҳои судманд ба миён оварданд.