ШОМИ ФАРҲАНГӢ БАХШИДА БА РӮЗИ КОНСТИТУСИЯ

Дар Донишгоҳи давлатии Кӯлоб ба номи Абуабдуллоҳи Рӯдакӣ бахшида ба Рӯзи Конститутсияи Ҷумҳурии Тоҷикистон шоми фарҳангӣ баргузор гардид, ки дар он ансамбли “Наво”-и муассиса бо барномаи рангини худ ҳунарнамоӣ намуд. Аъзои ансамбли “Наво” бо суруду рақсҳои дилангез, навоҳои миллӣ ва таронаҳои ватандӯстона фазои идона ба вуҷуд оварда, эҳсоси ифтихор аз Ватан ва давлатдории тоҷиконро дар қалби иштирокчиён бедор намуданд.