БАРГУЗОРИИ МАҲФИЛИ “ДИОФАНТ”

Дар факултети физика, математика ва информатикаи Донишгоҳи давлатии Кӯлоб ба номи Абуабдуллоҳи Рӯдакӣ маҳфили “Диофант”-и назди кафедраи математика ва методикаи таълими он бо иштироки номзади илмҳои педагогӣ, дотсенти кафедра Ниёзов Ҷонмуҳаммад, муаллими калони кафедра, ҳамзамон роҳбари маҳфил Ҳусайнзода Руҳулло ва аъзоёни маҳфил баргузор гардид.

Нахуст роҳбари маҳфил, муаллими калони кафедра Ҳусайнзода Руҳулло баромад намуда, оиди пешбурди кори маҳфил ибрози андеша намуд.

Сипас, донишҷӯи курси сеюми ихтисоси математика Қурбонов Тоҳир дар мавзуи “Ҳалли муодилаҳои нишондиҳандагӣ” ва донишҷӯи курси чоруми ихтисоси физика-математика Сайфиддинова Омина дар мавзуи “Ҳалли муодилаҳои логарифмӣ” маърӯзаи худро ироа намуданд.

Дар охир маҳфил бо саволу ҷавоб ва муҳокимаи аъзоёни маҳфил ба охир расид.