СЕМИНАРИ ОНЛАЙНИИ ИЛМӢ-МЕТОДӢ

Дар доираи татбиқи яке аз бандҳои Созишномаи ҳамкории Донишгоҳи давлатии Кӯлоб ба номи Абуабдуллоҳи Рӯдакӣ бо Донишгоҳи давлатии педагогии шаҳри Алтайи Федератсияи Росссия санаи 3-уми феврали соли равон тариқи онлайн семинари илмӣ-методӣ дар мавзуи “Таълими фанҳои филологӣ дар шароити бисёрзабонӣ” баргузор гардид, ки дар он муовини ректор оид ба муносибатҳои байналмилалӣ Шарофат Худойдодова ва устодону омӯзгорони факултети филологияи рус фаъолона ширкат варзиданд.

Дар семинар нақшаи чорабиниҳои муштараки Институти филология ва муоширати байнифарҳангии ДДПА ФР ва факултети филологияи рус ҷиҳати баргузории чорабиниҳо дар нимсолаи дуюми соли таҳсил муҳокима ва баррасӣ карда шуд, ки минбаъд ҳафтаи 2-юм ва 4–уми ҳар моҳ вохӯриҳо, дарсҳои онлайнӣ ва мизҳои мудаввар дар доираи масъалаҳои мубрами таълими забон ва адабиёти рус ва методикаи таълими забон ва адабиёти рус баргузор карда шуда, инчунин оид ба табодули академии донишҷӯён ва ба курсҳои такмили ихтисос сафарбар намудани омӯзгорон масъулини донишгоҳҳо ба мувофиқа омаданд.