БАРГУЗОРИИ МАҲФИЛИ ҶАМЪИЯТИ ИЛМИИ ДОНИШҶӮЁН

Имрӯз (04.11.2024) дар факултети тарбияи ҷисмонӣ ва омодагии дифои ҳарбии  Донишгоҳи давлатии Кӯлоб ба номи Абуабдуллоҳи Рӯдакӣ маҳфили навбатии ҷамъияти илмии донишҷӯён бо иштироки садорати факултет, ҳайати омӯзгорон ва донишҷӯён баргузор гардид.

Сараввал декани факултет, номзади илмҳои иқтисодӣ, дотсент Наврӯз Носирӣ суханронӣ намуда, аз мазмуну муҳтавои маърӯзаҳои интихобгардидаи донишҷӯён дар рафти маҳфили имрӯза маълумот доданд.

Сипас, донишҷӯёни курси дуюми факултет Алихонов Аҳлиддин  дар мавзуи “Усул ва шаклҳои гузаронидани дарси омодагии дифои ҳарбӣ дар муассисаҳои таҳсилоти миёнаи умумӣ” ва Раҳимов Абдухолиқ дар мавзуи “Банақшагирии омодагии дифои ҳарбӣ дар муассисаҳои таҳсилоти миёнаи умумӣ” маърӯзаҳои худро ироа намуданд.

Дар охир миёни иштирокчиёни маҳфил мубодилаи афкор сурат гирифт.