МУҲОКИМАИ РИСОЛАИ НОМЗАДИИ УНВОНҶӮЙ 

Санаи 16.11.2024 дар Донишгоҳи давлатии Кӯлоб ба номи Абуабдуллоҳи Рӯдакӣ муҳокимаи рисолаи номзадии унвонҷӯйи кафедраи назарияи иқтисоди факултети молиявию иқтисодӣ  Раҳимова Қурбонбӣ дар мавзуи “Самтҳои стратегии баланд бардоштани амнияти иқтисодии корхонаҳои комплекси агросаноатӣ (дар мисоли корхонаҳои КАС вилояти Хатлон)” бо роҳбарии доктори илмҳои иқтисодӣ, професори Институти иқтисодиёт ва демографи АМИТ Мирсаидов Аврор баргузор гардид. 

Дар муҳокима декани факултет номзади илмҳои иқтисодӣ, дотсент Фатҳуллозода Абдухолиқ, доктори илмҳои иқтисодӣ, профессори Институти иқтисодиёт ва демографияи АМИТ Шарипов Баҳодур, номзади илмҳои иқтисодӣ, дотсенти кафедраи менеҷмент ва маркетинг Шарипова Файзигул ва дигар  омӯзгорон иштирок намуданд.  

Дар рафти муҳокима ҳамчун муқарризони холис, номзади илмҳои иқтисодӣ, дотсент Фатҳуллозода Абдухолиқ ва номзади илмҳои иқтисодӣ, дотсент  Шарипова Файзигул баромад намуда, ҳусну қубҳи рисолаи илмиро арзёбӣ ва пешниҳоду тавсияҳои худро ироа карданд.  Ҳамин тариқ, рисолаи номзадии унвонҷӯй Раҳимова Қурбонбӣ бо дар назардошти тавсияҳо анҷомёфта ҳисобида шуда, барои муҳокимаи давраи навбатӣ тавсия карда шуд.

Раёсати Донишгоҳи давлатии Кӯлоб ба номи Абуабдуллоҳи Рӯдакӣ ба Раҳимова Қурбонбӣ ва роҳбари илмиаш барору комёбиҳо таманно намуда, ба ӯ дар ҷодаи илму таҳқиқ мувафаққиятҳои нав ба навро орзу менамояд.