ДАСТАИ ДУХТАРОНИ ФУТБОЛБОЗИ ДОНИШГОҲ САЗОВОРИ ҶОЙИ ДУЮМ ГАРДИДАНД

Санаҳои 04 то 05-уми ноябри соли равон дар шаҳри Кӯлоб бо ташаббуси муассисаи мактаби варзишии шаҳри Кӯлоб мусобиқаи кушоди варзиши футболи хурд байни бонувони муассисаҳои оливу касбии шаҳр бахшида ба 30-солагии Конститутсияи Ҷумҳурии Тоҷикистон ва сол 2024 “Соли маърифати ҳуқуқӣ” баргузор гардид.

Дар мусобиқаи мазкур дастаи футболбозон - донишҷӯдухтарони донишгоҳ фаъолона иштирок намуда, сазовори ҷойи дуюм гардида, бо туҳфаҳои Кумитаи тадорукот сарфароз гардонида шуданд.

Раёсати донишгоҳ донишҷӯёнро барои ин музаффарият самимона табрик гуфта, дар корҳои минбаъдаашон барор мехоҳад.