БАРГУЗОРИИ МАҲФИЛИ “ДИПЛОМАТИЯ”

Санаи 17-уми октябри соли 2024 дар факултети таърих, ҳуқуқ ва муносибатҳои байналмилалии Донишгоҳи давлатии Кӯлоб ба номи Абуабдуллоҳи Рӯдакӣ маҳфили “Дипломатия”-и назди кафедраи муносибатҳои байналмилалӣ баргузор гардид.

Дар маҳфил декани факултет, номзади илмҳои ҳуқуқшиносӣ, дотсент Мазарифов Манучеҳр, мудири кафедраи муносибатҳои байналмилалӣ,   номзади илмҳои сиёсатшиносӣ, дотсент Пирназаров Эмомназар, ҷонишини декан оид ба илм, инноватсия ва муносибатҳои байналмилалӣ, номзади илмҳои сиёсатшиносӣ, дотсент Файзов Рамазон ва ҳайати дигари омӯзгорону донишҷӯён иштирок доштанд.

Нахуст, роҳбари маҳфил, ассистенти кафедраи муносибатҳои байналмилалӣ Саидов Даврон маҳфилро ҳусни оғоз бахшида, доир ба рафти маҳфил ва пешбурди кори он суханронӣ намуд.

Дар маҳфил маърӯзаи Сарвинози Бекназар донишҷӯи курси 3-юми факултет дар мавзуи “Ҳадаф ва восита дар муносибатҳои байналхалқӣ” ва Қаюмзода Муҳаммад донишҷӯи курси 2-юми факултет дар мавзуи “Музокироти дипломатӣ ва навъҳои он” шунида шуд.

Дар рафти баргузории маҳфил аъзоён фаъолона иштирок намуда, доир ба маърӯзаҳои баррасишуда ибрози андеша намуданд.