БАРГУЗОРИИ МАҲФИЛИ ҶАМЪИЯТИ ИЛМИИ ДОНИШҶӮЁН ДАР ФАКУЛТЕТИ МОЛИЯВИЮ ИҚТИСОДӢ

30-юми сентябр дар факултети молиявию иқтисодии Донишгоҳи давлатии Кӯлоб ба номи Абуабдуллоҳи Рӯдакӣ маҳфили навбатии ҷамъияти илмии донишҷӯён баргузор гардид.

Дар маҳфил декани факултет, номзади илмҳои иқтисодӣ, дотсент Фатҳуллозода Абдухолиқ, ҷонишини декан оид ба илм, инноватсия ва муносибатҳои байналмилалӣ, номзади илмҳои иқтисодӣ Шаифев Бахтиёр, сардори ҷамъияти илмии донишҷӯёни факултет Шамсова Ҳидоятбону ва аъзоёни маҳфил иштирок доштанд.

Сараввал, декани факултет, дотсент Фатҳуллозода Абдухолиқ суханронӣ намуда, маҳфилро ҳусни оғоз бахшиданд.

Сипас, сардори ҷамъияти илмии донишҷӯёни факултет Шамсова Ҳидоятбону баромад намуда, аз мазмуну муҳтавои маърӯзаҳои интихобгардидаи донишҷӯён дар рафти маҳфил маълумот дод.

Дар идома Раҷабов Манучеҳр - донишҷӯи курси 4-уми ихтисоси молия ва қарз дар мавзуи “Нақши қарзҳои бонкӣ дар рушди соҳибкорӣ" ва Шамсова Ҳидоятбону - донишҷӯи курси 3-юми ихтисоси кори бонкӣ дар мавзуи “Бизнес-план предпринимательской единицы (Нақшаи бизнес барои воҳиди соҳибкорӣ)” маърӯзаҳои худро ироа намуданд.

Дар бахши музокирот саволу ҷавоб миёни донишҷӯёну омӯзгорон баргузор гардид.