, Панҷшанбе, 18-июл


Конференсияи байналмилалии илмӣ-назариявӣ


Раёсати Донишгоҳи давлатии Кӯлоб ба номи Абуабдуллоҳи Рӯдакӣ Шуморо барои иштирок дар конференсияи байналмилалии илмӣ-назариявӣ дар мавзуи «Масоили муҳими таъмини амнияти иқтисодии Тоҷикистон ва кишварҳои ҷаҳон дар шароити муосир», ки санаи  9-10 июни соли 2023 дар заминаи кафедраи «Назарияи иқтисодӣ»-и факултети молиявию иқтисодӣ доир мегардад, лутфан даъват менамояд.

Самтҳои асосии конференсия:

  • Идоракунии хавфҳои соҳибкорӣ дар системаи амнияти иқтисодӣ;
  • Хусусиятҳои таъмини амнияти иктисодии корхонаҳо ва минтақаҳои кишвар;
  • Сармоягузориҳо ва инноватсияҳо дар системаи амнияти иқтисодӣ;
  • Сиёсати иҷтимоӣ ва сатҳи зиндагӣ дар стратегияи амнияти иқтисодӣ;
  • Ҳамоҳангсозии сиёсати саноат ва савдо бо назардошти амнияти иқтисодӣ;
  • Интенсификатсияи истеҳсолоти кишоварзӣ ва таъмини амнияти озуқаворӣ;
  • Амнияти энергетикӣ ва самаранокии истифодаи захираҳои обӣ дар шароити тағйирёбии иқлим;
  • Криминализатсияи муносибатҳои иқтисодӣ ва механизмҳои муқовимат ба иқтисоди ниҳонӣ;
  • Масъалаҳо ва дурнамои банақшагирии механизмҳои молиявию карзӣ бо мақсади таъмини амнияти иқтисодии кишвар;
  • Таъмини амнияти инфрасохтори иҷтимоӣ ва истеҳсолӣ ҳамчун омили рушди устувори иқтисодӣ;
  • Робитаҳои иқтисодии Ҷумҳурии Тоҷикистон бо кишварҳои хориҷӣ дар доираи амнияти иқтисодӣ;
  • Модели механизми институтсионалии таъмини амнияти иқтисодии кишварҳои ҷаҳон.

Забони конференсия: тоҷикӣ, русӣ ва англисӣ.

Тарзи иштирок дар конференсия: мустақим (ҳузур доштан) ва фосилавӣ (маҷозӣ). Маҷмуаи мақолаҳои конференсия ба табъ мерасад.

Мақолаҳо то 25-уми майи соли 2023 ба Кумитаи тадорукот дар ҳаҷми то 6 саҳифа дар шакли электронӣ, ки мазмуни он ба масъалаҳои баррасишавандаи конференсия мувофиқ бошад, қабул карда мешаванд. 

Мақолаҳо ба Кумитаи тадорукот ба нишонии электронии mmirsaidov@mail.ru фиристода мешаванд. Тасдиқи гирифтани мавод, интихоби он ва даъватномаи расмӣ ба воситаи нишонии электроние, ки мавод ба Кумитаи тадорукот ворид гардидааст, иттилоъ дода мешавад.

Телефон: (+992) 988 45 09 09, 985 90 59 90

 08.05.2023