МУҲОКИМАИ РИСОЛАИ НОМЗАДИИ УНВОНҶӮЙ

Дар таърихи 14-уми декабри соли равон дар Донишгоҳи давлатии Кӯлоб ба номи Абуабдуллоҳи Рӯдакӣ муҳокимаи рисолаи диссертатсионии унвонҷӯйи кафедраи забоншиносӣ ва типологияи муқоисавӣ Табаров Шерафган Назирмадович дар мавзуи “Хусусиятҳои таълими лексикаи забони англисӣ ҳамчун забони дуюми хориҷӣ баъди забони русӣ дар шароити нави Ҷумҳурии Тоҷикистон” (роҳбари илмӣ, Ҷумъахон Алимӣ, доктори илмҳои филологӣ, профессор, мудири кафедраи забоншиносӣ ва таърихи забон) баргузор гардид.

Дар муҳокима Ҷумъахон Алимӣ, профессор, ҳамзамон роҳбари илмӣ, муовини ректор оид ба тарбия, дотсент Сафарзода Мунир, декани факултети ффилологияи хориҷӣ, дотсент Муродов Баҳриддин, мудирони кафедраҳои тахассусии факултети филологияи тоҷик ва дигар омӯзгорон иштирок намуданд.

Дар рафти муҳокима ҳамчун муқарриз Мирзоев Салим, доктори имҳои педагогӣ, профессор, Сафарзода Мунир, номзади илмҳои педагогӣ, дотсент, Гуламадшоев Шокиршо, номзади илмҳои фиологӣ, дотсенти кафедраи забоншиносӣ ва типологияи муқоисавӣ, Муродов Баҳриддин, номзади илмҳои филологӣ, дотсент баромад намуда, фикру андешаҳои худро доир ба рисолаи мазкур баён карданд ва чанде тавсияву пешниҳодҳои худро ироа намуданд.

Ҳамин тариқ, рисолаи номзадии унвонҷӯй Табаров Шеравган бо дарназардошти тавсияҳо барои муҳокима ба зинаҳои минбаъда ба ҳимоя тавсия карда шуд.

Раёсати Донишгоҳи давлатии Кӯлоб ба номи Абуабдуллоҳи Рӯдакӣ ба унвонҷӯй ва роҳбари илмиаш барору комёбиҳо таманно намуда, ба ӯ дар ҷодаи илму дониш мувафаққиятҳои нав ба навро орзу менамояд.