ТАҚДИМИ ДИПЛОМҲОИ АЪЛО БА ХАТМКУНАНДАГОН

Дар доираи ҷаласаи васеи Шурои олимони Донишгоҳи давлатии Кӯлоб ба номи Абуабдуллоҳи Рӯдакӣ (26.06.2026), ки ба натиҷагирии фаъолияти соли таҳсили 2025-2026 бахшида шуда буд, маросими супоридани дипломҳои аъло ба хатмкунандагон баргузор гардид. Дар ин чорабинӣ ба 87 нафар хатмкунанда, аз ҷумла 70 нафар бакалавр ва 17 нафар магистр, дипломҳои аъло тақдим карда шуд.

Ин дастовард нишонаи сатҳи баланди донишу маҳорати хатмкунандагон ва натиҷаи заҳмати муштараки устодону донишҷӯён арзёбӣ гардид. Таъкид шуд, ки чунин муваффақиятҳо барои боло бурдани нуфузи донишгоҳ ва омодасозии кадрҳои баландихтисос заминаи мусоид фароҳам меоранд.