ҲАМОИШИ ИЛМӢ-НАЗАРИЯВӢ ДАР ФАКУЛТЕТИ ИҚТИСОД ВА ИДОРА

Санаи 3-юми октябри соли ҷорӣ дар факултети иқтисод ва идораи Донишгоҳи давлатии Кӯлоб ба номи Абуабдуллоҳи Рӯдакӣ ҳамоиш илмӣ-назариявӣ дар мавзуи “Забон ҳастии миллат ва омӯзгор – оинаи миллат” баргузор гардид.

Дар ҳамоиш декани факултет, номзади илмҳои иқтисодӣ, дотсент Расулова Лутфия, сардори раёсати тарбияи донишгоҳ Холматов Баҳром ва дигар омӯзгорону донишҷӯёни факултет иштирок доштанд.

Саравал декани факултет, дотсент Расулова Лутфия суханронӣ намуда, ҳамоишро ҳусни оғоз бахшиданд. Сипас, сардори раёсати тарбияи донишгоҳ Холматов Баҳром баромад намуда, ҳозиринро ба Рӯзи муаллим ва Рӯзи забон табрику таҳният гуфтанд.

Дар идома донишҷӯёни курси 1-уми ихтисоси географияи иқтисодии факултет Рустамова Алқосбӣ дар мавзуи “Забон - пойдевори миллат”, Бибиоишамои Шамшод дар мавзуи “Қадри устод бидон то қадри худ орӣ ба ҷо” ва Сайдалиева Муниса дар мавзуи “Омӯзгор ва мақоми он дар ҷомеа” маърӯзаҳои худро ироа намуданд.

Дар охир ҳамоиш бо музокирот миёни ҳозирин ба анҷом расид.