БАРГУЗОРИИ МИЗИ МУДАВВАР

Санаи 24.09.2024 дар маркази рушди касбият ва инноватсияи Донишгоҳи давлатии Кӯлоб ба номи Абуабдуллоҳи Рӯдакӣ бо ташаббуси кафедраи молия ва қарзи факултети молиявию иқтисодии донишгоҳ дар ҳамкорӣ бо филиали ҶСП "Спитаменбонк" дар шаҳри Кӯлоб мизи мудаввар дар мавзуи “Саводнокии молиявӣ” гузаронида шуд, ки дар кори он мудири кафедраи молия ва қарз, номзади илмҳои иқтисодӣ, дотсент-Комилов Низомидин, директори филиали ҶСП “Спитаменбонк” дар шаҳри Кӯлоб- Раҳмонов Зафар ва  донишҷӯён иштирок намуда, доир ба мавзуи мавриди назар ибрози андеша намуданд.

Дар зимн намояндаи бонки мазкур доир ба масоили баланд бардоштани фарҳанги молиявии аҳолӣ, тартиби пасандозгузорӣ ва роҳҳои самаранокии онҳо, ба қаллобӣ дучор нашудан ва дигар мавзуъҳои мубрами соҳаи молия ва бонкдорӣ маълумоти ҷолибу судмандро тариқи презентатсия (рунамо) пешкаши иштирокчиён гардонид. Кори мизи мудаввар бо пурсишу посухи донишҷӯён ба охир расид.